«Федеральный государственный образовательный стандарт основного общего образования (приказ Минпросвещения России от 31.05.2021 N 287 «Об утверждении федерального государственного образовательного стандарта основного общего образования»)» докумуоҥҥа олоҕуран, Арассыыйа Наукатын Академиятын Бэдэрээссийэтээҕи Үөрэх сайдыыытын стратегиятын Института тэрийиитинэн саҥа ыстандаарт төрөөбүт тылларга тустаах биридимиэт ирдэбилин, үөрэнээччи сатабылын түмүктэрэ туох буолуохтааҕын чуолкайдыыр үлэ саҕаланна. Үлэни бу Институт уопсай үөрэхтээһинин тылга лабороториятын сэбиэдиссэйэ, филологическай наука кандидата Ирина Нургаиновна Добротина салайар.

Арасссыыйа төрөөбүт тыллаах регионнарыттан үлэлиир бөлөх тэрилиннэ. Институт дириэктэрин эбээһинэһин толорооччу Т.В. Суханова тохсунньу 17 күнүнээҕи 01-03/03 бирикээһинэн бу бөлөххө Саха Өрөспүүбүлүкэтиттэн Поликарпова Е.М., п.н.д, ХИФУ профессора, элбэх учуобунньук, босуобуйа ааптара, Шишигина В.Р. ҮӨС уо ИҮИ аҕа преподавателэ, АБ үтүөлээх учуутала, учуобунньуктарга босуобуйаларга үлэлэспиттэртэн биирдэстэрэ киирдилэр. Бастакы тэрээһин мунньах тохсунньу 18 күнүгэр буолан ааста.