Үөрэх стратегиятын сүрүннүүр Бэдэрээссийэ Институтун саҥа ыстандаарт ирдэбилигэр сөп түбэһиннэрэн, үөрэх былаанын уларытан оҥорбут бырайыагын тула кэпсэтии буолла. Онно көстөрүнэн билигин биһиги Өрөспүүбүлүкэбитигэр туттулла сылдьар үөрэхпит былааныгар баар төрөөбүт тылга (саха) анаммыт чаастарбыт улаханнык кыччаабыттара билиннэ.
Маныаха ыраахтан олорон ыытыллыбыт кэпсэтиигэ 200- чэкэ саха тылын исписэлиистэрэ, учууталлар, оскуола салайааччылара, Үөрэх Министиэристибэтин үлэһиттэрэ ханнык ньыманан чааһы элбэтэр туһунан санааларын үллэһиннилэр. Киэҥ кэпсэтии кэнниттэн Министиэристибэ иһинэн анаан маны ырытар, саҥалыы оҥорор бөлөҕү тэрийэргэ, урукку уопукка олоҕуран сахалыы тыллаах оскуолаларга үөрэнээччи ноҕоруускатын улаатыннарыыны көҥүллэтэргэ, оскуола бэйэтэ быһаарар чаастарын төрөөбүт тылы үөрэтиигэ аныыр боппуруоһу үөрэтэн көрөргө, атын төрөөбүт тыллаах регионнары кытта мунньаҕы тэрийэн, сүбэни холбоон, уопсай быһаарыныыны ылынарга уонна Бэдэрээссийэ үөрэҕин Министиэристибэтигэр тиэрдэргэ диэн түмүккэ кэллилэр.
ҮөС уо ИҮИ билэлиэгийэ хаапыдырата