Күрэс бастакы күнүгэр учууталлар аһаҕас уруоктары биэрдилэр уонна тус идэлэрин уратытын көрдөрөр үлэлэрин хайысхатын методмастерскойга сырдаттылар.
Ол түмүгүнэн 8 бастыҥ кыттааччы 2-с түһүмэххэ салгыы кыттар чиэскэ тигистилэр. Күрэс 2-с түһүмэҕэр кыттааччылар талбыт хайысхаларынан кылаас чааһын биэриэхтэрэ, маастар кылаас көрдөрүөхтэрэ.
2-с түһүмэххэ тахсыбыт лауреаттары уруйдуу көрсүөҕүҥ!
Васильева Нюрбина Егоровна, Мындааба орто оскуолатын учуутала, Уус Алдан улууһа;
Ефимова Евдокия Даниловна, Данил Степанович Слепцов аатынан Эбээх орто оскуолатын учуутала Орто Халыма улууһа;
Липатова Светлана Афанасьевна, Дьокуускай куораттааҕы Айыы Кыһата национальнай гимназия учуутала;
Лукина Кэскилээнэ Вячеславовна, Афанасий Осипов аатынан биирдиилээн биридимиэттэри дириҥэтэн үөрэтэр хайысхалаах Бэрдьигэстээх орто оскуолатын учуутала, Горнай улууһа;
Семенова Светлана Анатольевна, Николай Николаевич Чусовской аатынан Антоновка орто оскуолатын учуутала, Ньурба улууһа.
Уарова Любовь Прокопьевна, Аллаҥа орто оскуолатын учуутала, Сунтаар улууһа.
Уйгурова Раиса Иннокентьевна, Архип Георгиевич Кудрин-Абаҕыыныскай аатынан Абаҕа орто оскуолатын учуутала, Өлүөхүмэ улууһа;
Фёдорова Вера Васильевна, Назар Харлампьевич Дьяконов аатынан Тыайа орто оскуолатын учуутала, Кэбээйи улууһа;
Улуу суруйааччыбыт Амма Аччыгыйа эппитинии сахабыт тыла сир симэҕин курдук сиэдэрэй, үрүйэ уутун курдук ыраас-дьэҥкир, муора уутун курдук дириҥ баай өйдөбүллээх диэн санаатын өссө кэҥэтэн, үс күн устата өрөспүүбүлүкэ араас улууһуттан ыытылла турар күрэскэ хомоҕой тылгыт-өскүт кустук өҥүнүү оонньоотун, саҥарар саҥаҕыт, этэр санааҕыт тупса турдун!
