Өрөспүүбүлүкэҕэ барыта саха тыла, култуурата идэлээх отучча эр киһи үлэлии-хамсыы сылдьар. Төрөөбүт тыл уонна сурук-бичик күнүн декадатын чэрчитинэн саха тыла, литературата уонна култуурата идэлээх эр дьон учууталларга анаммыт сэминээр буолан ааста. Уус Алдан, Кэбээйи, Нам, Ньурба, Үөһээ Бүлүү, Өлүөхүмэ улуустарыттан барыта10 эр киһи-учуутал кыттыыны ылла. Учууталлар саха литературатын уруогар интэриһи тадыы туһунан, Манчаары Баһылай уобараһын көрдөрүү уратытын, уол оҕону иитиигэ уран тыл суолтатын туһунан, литература уруоктарыгар көмө матырыйааллары туттууну, сыыппара технологиятын, айымньыны хатылыырга, билиини чиҥэтэргэ тургутуктар уонна норуот тылынан уус-уран айымньытыгар тирэнэн оҕону сиэрдээх майгыга иитии-үөрэтии туһунан, төрөөбүт тылбыт билиҥҥи уонна инники дьылҕатын туһунан тус уопуттарыгар тирэнэн үлэлэрин хайысхатын сырдаттылар, санааларын эттилэр.