Page 23 - ЛИТЕРАТУРА ААҔЫЫТА 3 КЫЛААС 1 ЧААҺА

Семён Винокуров
К¥£СК¥Н ЭРДЭ £Р¥Н¥МЭ

1. Кэпсээни оруолунан aaх.
2. Хас биирдии уол туһунан тугу этэрдээххин? Кэп-

сээнтэн тугу өйдөөтүҥ?
3. Кэпсээнтэн сөбүлүүр миэстэҕин талан кэпсээ.
4. Уолаттар майгыларын көрдөрөр тыллары булан аах.

Кэпсииргэр ону тутун.
5. Кэпсээн тоҕо «Күөскүн эрдэ өрүнүмэ» диэн аат-

таммытый? Суолтатын айымньы сүрүн санаатыгар
сыһыаран быһаар.

Уолаттар дуобаттыы олороллор. Миша хойуу хааһын
түрдэһиннэрэн, бултуйан өрөгөйдөөбүт хомпоруун курдук,
төбөтүн чоноччу туттубут. Кыайдаҕын аайы төбөтө ордук
чынайан, түөһэ мөтөйөн истэ.

— Өссө ким баарый? — диир эргиччи көрө-көрө.
— Эн киирсэн көр, — Ньургустаан сибилигин аҕай
хотторон арбы-сарбы туран, Наримаҥҥа этэр.
— Кэбис, доҕор. Миигин син биир тулуппат, — На-
риман остуолтан тэйэ хаамар.
— Бээ эрэ. Өссө итиннэ атыннык хаамыах баара... —
диэтэ Вася, дуоскаттан хараҕын араарбакка туран.
— Ким? Мин дуо? — Миша киэҥник көрдө.
— Ньургустаан атыннык түспүтэ буоллар, тэҥнэһиэ
хаалла быһыылаах, — диир Вася мунаах соҕустук.
— Көрүүй, эмиэ «үөрэтээччи» көһүннэ дии, — Миша
Васяны сэниирдии көрүтэлиир.

23