Page 93 - ЛИТЕРАТУРА ААҔЫЫТА 3 КЫЛААС 1 ЧААҺА
P. 93
ХОТУГУ ЭРГИМТЭ
КЫРДЬА¡АС КУОРАТА
1638 сыллаахха Дулҕалаах үрэҕин кытылыгар казак-
тар остуруоктара тутуллубута. Ол Верхоянскай куорат
төрүттэммит кэминэн ааҕыллар. Дьааҥы сирин аан бас-
таан чинчийбит дьон нууччалар. Ол Иван Ребров, Се-
ливан Харитонов, Постник Иванов уонна Елисей Буза
этилэр. Кэлин остуруок Верхоянскай сайыымпа диэн
ааттанан Дьааҥы өрүс хаҥас биэрэгэр көһөрүллүбүтэ.
1897 сыллааҕы биэрэпис түмүгүнэн куоракка 356 киһи
олорор этэ. XIX үйэ бүтүүтүгэр 5 үөрэнээччилээх на-
чальнай училище уонна 7 ыарыһах эмтэнэр балыыһалаах
этэ.
Верхоянскай куорат Дьокуускайтан хотугулуу-илин
1050 км ыраах турар. Манна аан дойду тымныытын по-
люһа баар. И.А. Худяков метеорологическай кэтээн кө-
рөөһүнүттэн саҕалаан, Верхоянскайга гидрометеорологи-
ческай кэтээн көрүү олохтоммута 119 сыл буолла. Ман-
на саамай намыһах температура (-67,8 ° ) 1885 сыллаахха
политическай сыылынай С.Ф. Ковалик кэтээн көрүүтүнэн
бэлиэтэммитэ.
1902 сылга диэри почтаны Алдан станциятыгар диэри
уунан аҕалаллара. Онтон Верхоянскай сис хайаларынан
туораталлара. Ити сылтан Дьокуускайтан «ыраахтааҕы
суола» аһыллыбыта. Нуучча казактара, чиновниктар,
атыыһыттар, араас түһээннэри хомуйааччылар бу суолу-
нан айанныылларын иһин итинник ааттаабыттара.
Бүгүҥҥү Верхоянскай — күннэтэ үүнэр-сайдар аны-
гы куорат. Манна дьон олороругар, үөрэнэригэр уонна
сынньанарыгар толору усулуобуйа баар.
93
