Page 21 - ЛИТЕРАТУРА ААҔЫЫТА 4 КЫЛААС 2 ЧААҺА
P. 21
Тыал балаҕаны тула эргийэн, мантан антах өссө туох
буоларын кэтэспит.
Түҥкэлэй үтүөрэн турар. С эниэ-күүс ылынаат, кини
кыыһын илдьэ эм иэ балыктыы барар. Кыһамньылаах үтүө
ыалга биир махтанар тылы эппэт. Айгыллалаах бэркиһээн*,
саҥата суох өрө тыынан эрэ кэбиһэллэр.
Ити күн Тыал киҥ э-наара алдьанан сил биэтэм м ит. Ки-
ни, ньыгыл сы м ара таас күлүгэр иһийэ сытан, Түҥ кэлэй
кыыһын кытта дьиэтигэр кэлэрин күүппүт. Балаҕаннары-
гар чугаһаан эрдэхтэринэ, Тыал таас кэнниттэн өрө ытыл-
лан тахсан, холорук буолан кулахачыйбыт. Түҥкэлэй ба-
лаҕанын үлтү кумалаан, туох баарын бүтүннүү бөх-сыыс
курдук халлааҥҥа таһааран хабылыктаабыт.
Айгылла уолунаан кэлэн, Түҥкэлэй балаҕанын онно
эрэ оҥойон хаалбытын көрөн, соһуйуу бөҕөнү соһуйаллар.
Ыаллара маннык и эдээҥ ҥ э түбэспититтэн айманан, кини-
лэри аһынан:
— Биһиэхэ киирэҥ олоруҥ, биһиги саҥ а атын балаҕа-
ны туттуохпут, — дииллэр.
Түҥкэлэйдээх, биир да сылаас тылы хардары эппэккэ,
ыал балаҕаныгар киирэн олороллор.
Тыал Айгыллалаах саҥ а балаҕан туттан эрэллэрин, от-
тон Түҥкэлэй син биир уруккутун курдук туттан-хаптан
хантаһыйан сылдьарын көрбүт. Маннык хайдах да сата-
ныа суохтаах дии санаан, кини Ытык Хайаҕа сүбэлэтэ
барбыт. Ытык Хайаҕа тиийиэр диэри киэҥ сирдэринэн
элбэх күнү-түүнү быһа үрэн сирилэтэн тиийбит. Ытык Ха-
йа тэллэҕэр тохтоон ыйыппыт:
— Эт эрэ, Ытык Хайа-а, эн сир ньуурун барытын ти-
лийэ көрөҕүн дуо?
— Көрөбүн, — диэбит Ытык Хайа.
