Page 53 - ЛИТЕРАТУРА ААҔЫЫТА 3 КЫЛААС 1 ЧААҺА
P. 53
Быстыспакка, батыс, кытаат!»
Тута санаалаах оҕочоос
Томоонноох* сүбэттэн тохтообокко:
«Соҕотоҕун даа, сордоммокко,
Суолу булан тобулуом!» — диэтэ.
Моонньун аллара туһулаан,
Мохсоҕоллуу суйулаан,
Көлүччэ саҕатыгар тиийэн
Күөкэс гына олордо.
Итинтэн ыла алаастары,
Элбэх элгээннэри* кэрийэн,
Аатыра-суолура аһаан баран,
Айанныыра кэлбитигэр,
Суолун хайысхатын сүтэрэн,
Соҕуруу-хоту көрдө, —
Көхсө кыараата,
Көтөрө ыараата…
Санаабычча оҥорор
Саманнык хааска
Санатарга тиийиллэр:
«Кэрдиэҥ иннинэ — кээмэйдээ,
Быһыаҥ иннинэ — былааннаа».
Тылбытын байытабыт
Бэриэччит—сирдьит.
Томоон — туох эмэ арыычча көстөр барыла.
Элгээн — күөл.
53
