Page 15 - ЛИТЕРАТУРА ААҔЫЫТА 4 КЫЛААС 2 ЧААҺА

ОЛОНХО ДОЙДУТУН
КИСТЭЛЭҤНЭРЭ

Эн олоҥхо туһунан бэйэҥ дьоҥҥуттан, оҕо саадыттан,
кинигэттэн, тэлэбиисэр, араадьыйа биэриилэриттэн билэ-
ҕин. Быйыл поэт Илья Чаҕылҕан олоҥхоһут туһунан хо-
һоонун аахтыҥ. Платон Ойуунускай «Дьулуруйар Ньургун
Боотур» олоҥхотуттан быһа тардыыны билистиҥ. Бу аар-
саарга аатырбыт олоҥхону, үрдүкү кылаастарга таҕыстах-
хына, толору билсиэҥ.

Олоҥхо — норуот тылынан уус-уран айымньытын ба-
ры көрүҥүн бэйэтигэр түмпүт саамай бөдөҥ кээмэйдээх
айымньы. Олоҥхоҕо норуот үйэттэн үйэҕэ мунньан кэл-
бит өйө-санаата, билиитэ, фантазията барыта түмүллэн
сылдьар.

Олоҥхону ааҕан, олоҥхо тылын билииҥ, баһылааһы-
ныҥ төрөөбүт тыл сайдарыгар, бэйэ баай тыллаах буола-
рыгар туһалаах. Онуоха эйиэхэ «Олоҥхо уран тыла» ойуу-
лаах тылдьыты туһанарыҥ көмөлөһүө.

2005 сыллаахха олоҥхо Аан дойдуга киһи аймах чулуу
айымньытынан ааттаммыта. Билигин өрөспүүбүлүкэбитигэр
олоҥхо ыһыахтара, олоҥхону театрга туруоруу, «Мин —
олоҥхо дойдутун оҕотобун» бэстибээл, араас күрэх, тэ-
рээһин ыытыллар, аны тас дойдуларга эмиэ буолаллар.