Page 27 - ЛИТЕРАТУРА ААҔЫЫТА 4 КЫЛААС 2 ЧААҺА

Тимофей Сметанин, Яков Стручков

КУҺУ УРАҔАҺЫНАН ДА БУЛТУУРБУТ
(«Мэхээлэчээн булчут кэпсээннэрэ»
айымньыттан быһа тардыы)

1. Былыр оҕолор куһу тугунан бултуулларын кэпсээ.
2. Табаарыһа хайдах майгылаах уол дии санаатыҥ?
3. Мэхээлэчээн майгытын көрдөрөр тыллары ааҕан иһи-

тиннэр.

Биһиги кыра эрдэхпитинэ сааламмат этибит. Оччотоо-
ҕуга саа да суох буолара. Биир эм э баарын иһин, киһи-
ни-сүөһүнү дэҥниэххит диэн, дьоммут биэрбэт этилэр.

Күһүн түүн хараҥарара.
Бараары сылдьар кустар чычаас ууга аһаан айахта-
рын тыаһа чабыгырас, уу тыаһа чалыгырас, саҥалара
маатырҕас-мээтирҕэс буолаллара.
Ол бириэмэҕэ биһиги, кыра оҕолор, өлөҥҥө*, талах төр-
дүгэр олорон, көтөрдөрү тоһуйарбыт. Кустуу саҥарарбыт.
Кус чугас түстэҕинэ эбэтэр устан чугаһаатаҕына, уһун
синньигэс курбуу ураҕаһынан охсорбут. Таба оҕустаххына
өлөрөҕүн, сыыстаххына туох кэлиэй... Үксүгэр сыыһарбыт.
Онтон кэнники үөрэнэн-үөрэнэн, син табар буолбуппут.
Ураҕаһы өрө тутан олорон оҕустахпытына, ыраахтан
куһууран түһэрэ, онуоха көтөр аһаран биэрэрэ. Ол иһин
ыарахан соҕус ураҕаһы талар буолбуппут. Уонна төҥкөччү
тутан олорорбут. Оччоҕо көтөр соччо аһарбат этэ.
Куолубутунан биир киэһэ эмиэ кустуу киирдибит.
Үһүөбүт. Үһүөн тус-туспа тарҕастыбыт. Мин үчүгэй талах