Page 29 - ЛИТЕРАТУРА ААҔЫЫТА 4 КЫЛААС 2 ЧААҺА
P. 29
бан көрөбүн. Көһүттүм да көһүттүм. Көхсүм көһүйэн хаал-
ла. Кус ол курдук охсуохха тоҕоостоохтук чугаһаабата.
Ол икки ардыгар элбэх көтөрдөөх ууга үөмэн киирэн
бултаһыахха диэн санаа көтөн түстэ.
Бардым. Балайда өр барбахтаатым.
Онно-манна кус саҥарар да, хараҥа буолан көстүбэт.
Мантан чугас көтөр түһэн аһыыр үчүгэй талахтаах
налыы* баар этэ. Мин биир доҕорум онно кэтэһиэх
буолбута.
«Маат-маат» диэн, көҕөн тохтоло суох саҥ арар. Били
уол кэтэһэ сатаан баран барбыт буоллаҕа дии санаатым,
суох, оо, булка дьоҕура суох киһи...
Көҕөн саҥатын хоту үөмэн бөкчөйөн истим. Мин өлөр-
бүт кустарым кыра кустар. Оттон ити көҕөнү өлөрбүт ки-
һи, ү с кус буолуо этэ!
Чугаһаатым. Бөкчөйөн истим. Онтон тобуктаатым, ат
буоллум. Тобукпар-тоҕонохпор күһүҥҥү тымныы уу би-
линнэ. Таҥаспын силбик* сытыппыт быһыылаах. Быар-
даан иһэн маспын сыыйа үөһэ көтөхтүм. Көппөтө... Урут
маһы көтөхтөххө, кус үксүгэр көтөн тахсар этэ. Куһум са-
ҥарар. Төбөбүн өндөтөн, өлөҥ быыһынан көрбүтүм, арай
адьас талах төрдүгэр икки бэйэ көҕөн бөлтөһөн олорон
саҥараллар.
Маҕыйан-маҕыйан баран сырбаат!!! Охсоот, ойон ту-
ран истэхпинэ, киһи саҥ ата кыланна. Соһуйан, тымныы
ууга олоро кэлэн түстүм.
— Туох буола сылдьаҕын, ийэлээх аҕабар этиэм, —
диэн били мааҕын бииргэ киирбит уолум талах иһиттэн
айманна. Кини икки атаҕа көстө сытарын көҕөн диэн ох-
субуппун тута өйдөөтүм. Уолум ытыы-ытыы, атаҕын туп-
пахтана олордо. Ууттан оронон туран, киһибин ааттаатым.
