Page 47 - ЛИТЕРАТУРА ААҔЫЫТА 3 КЫЛААС 1 ЧААҺА
P. 47
Манчаары дьиэҕэ киирдэ. Тойон кэтэҕириин ороҥҥо
эһэ тэллэххэ тиэрэ түһэн сытар. Уол киирээтин кытта
өндөс гынан көрдө.
— Хайа, бу үөн туох буолан мин боруокпун атыллаа-
та? — күөмэйин тухары көбүөлээн саҥарда. — Нохоо,
тоҕо кэллиҥ? Эмиэ тугу эрэ умналыы кээлтин буолуо,
кэрэдэк?
— Оппут баранна... Биир эмэ түүтэх отто ыыттын диэн
ийэм илдьиттээтэ... — Манчаары иһиллэр-иһиллибэттик
ботугураата.
— Туох даа? Оппут суох даа? Эһээ-ээ, баранар эбит
дии, — Чоочо бэлэһин муҥунан күлэн күрдьүгүнээтэ. —
Туох да муҥура суох курдук сананар этигит. Кэһэйдигит
дуо? Киэр буол, биир да салаа оту биэриэм cyoҕa!
Манчаары кыһыйан-абаран сымыһаҕын быһа ыты-
ран, икки xapaҕa дьиримнээн, ытыы сыһа-сыһа сүүрэн
истэ. Тэлгэһэттэн сүүсчэкэ хаамыыны тэйэн баран, дьэ
тохтоон үөһэ тыынна, кэҥээтэ. Кураанах салааската
түҥнэстибитин көннөрө-көннөрө, Чоочо өтөҕүн аттыгар
хас эмэ сыллааҕы кэбиһиилээх оттор титирик үүнэн тах-
сыар диэри куруланан туралларын көрдө. «Чоочо соҕотох
бэйэтигэр итиччэ оттоох, оттон биһиэхэ биир түүтэх от
баҕалаах дии, — санаата Манчаары. — Ийэм биһикки бу
сайыны быһа оттоон муҥнаммыппыт, Чоочо эмис акка
олорон күүлэйдии сылдьыбыта. Биһиги оппут суох, ки-
ниэнэ куртан кур. Toҕo?..»
Манчаары, торбосторугар салаа ото суох тиийэрин
саныы-саныы, ыксаан барда. Хайыах да сир суох. Хайа
ыалга барыай? Чугастааҕы ыаллар бары быстаран оло-
роллор... Онтон суол икки өттүгэр тохтубут оту көрдө.
«Сатаатар, итини хомуйбут киһи! Аны көрөн тураллара
47
