Page 130 - ЛИТЕРАТУРА АА5ЫЫТА 4 КЫЛААС 1 ЧААhА
P. 130
сотон — ынырык көрүҥү киллэрэн, эрдээх хаанын ылы-
нан, тумсун аппаҥнатан, куосканы хараҕын тэһэ түһүөх
курдук бэлэмнэнэр.
— Киэр буол, киэр буол! Көтө оҕус, Пудик, көтө
оҕус... — диир кини.
Куттал барабыай оҕотун сиртэн өрө өндөтөр: Пудик,
ойуоккалаан-тэйиэккэлээн, сапсыннар сапсынан, сиртэн
тэйдэр тэйэн, үөһэ, түннүгүн диэки, харбаһан истэ.
Кэнниттэн, тута баттаһан, ийэтэ көтөн кэлэр, кутуру-
га суох, ол да буоллар улаханнык үөрбүт. Тахсан оҕотун
аттыгар олорор уонна, оҕотун тумсунан кэтэххэ тоҥсуйан
баран, этэр:
— Дьэ, тугуй?
— Дьэ, тугуй? Биирдэ барытыгар үөрэниэҥ суоҕа! —
диир Пудик.
Сиргэ кугас куоска, барабыай түүтүттэн атаҕын ыраас-
тана-ыраастана, сытыы күөх харахтарынан чаҕылыҥныы-
чаҕылыҥныы, хомолтолоохтук ньааҕыныы олордо:
— Сымнаҕасчаан бэйэлээх барабыайчаан, били куту-
йахчаан, били кутуйахчаан курдук. Мя-у-у-у, хомолтоту-ун...
Ийэ барабыай кутуруга суох хаалбытын дьыалаҕа
ууран эппэтэххэ, барыта этэҥҥэ бүппүтэ.
