Page 127 - ЛИТЕРАТУРА АА5ЫЫТА 4 КЫЛААС 1 ЧААhА

аан дойду киниэхэ туһалаах дуу, суох дуу — ону билиэн-
көрүөн баҕалааҕа.

— Туох-туох диигин? — диэн ийэ барабыай ыйытар.
Кынаттарын дуомунан далбаатана-далбаатана уонна
сир диэки көрө-көрө, Пудик чыбыгырыыр:
— Наһаа хара, наһаа!
Аҕа барабыай, көтөн кэлэн, оҕотугар Пудикка кыра
хомурдуоһу аҕалан биэрэр уонна:
— Чип-чип, бултаан кэллим буолбат дуо мин?! — диэн
киһиргиир.
Ийэ барабыай:
— Чип-чип, бултаан кэллиҥ, — диэн кинини хайгыыр.
Онтон Пудик, кыра хомурдуоһу ыйыста-ыйыста: «Туох-
тарынан киһиргэнэллэр! Атахтаах чиэрбэни булан аҕалан
биэрбиттэринэн дуо? Буолар да эбит!» дии саныы-саныы,
уйатыттан быгыалыыр, төгүрүччү көрүтэлиир.
— Сэгэртэйиэм, тоҕойуом, сэрэн эрэ, төлө туттаайа-
ҕын! — диэн ийэтэ сэрэтэр.
— Туохтан, хайдах? — диэн Пудик ыйытар.
— Хайдах эҥин диэмэ, сиргэ охтуоҥ. Куоска — чик!
Кыр-хар ыстаат, ыйыстан кэбиһиэ! — диэн аҕата, бултуу
көтөөрү туран, өйдөтөр.

2

Ол курдук күннэр ааһан испиттэр, арай Пудик кынат-
тара тиэтэйбэккэ үүнэллэрэ.

Биирдэ тыалырбыта. Пудик туран ыйытар:
— Бу тугуй? Тугуй?
— Чип-чап, тыал эйигин үрүө ээ, чип! Уонна эйигин
ылан куоскаҕа сиргэ быраҕыа! — диэн өйдөтөр ийэтэ.