Page 125 - ЛИТЕРАТУРА АА5ЫЫТА 4 КЫЛААС 1 ЧААhА

Буочука устар — ыраатар.
Эрэй эмпит огдооболуу
Сарыысса ытыыр-соҥуур.
Чаастан чаастар ааһаллар,
Уолбут биллэ улаатар.
Ийэ ытыыр-энэлийэр,
Уол долгуну тиэтэтэр:
«Үөрэр-күлэр доҕоччугум!
Долгунчааным, долгунум,
Күүлэйдиигин көҥүл сылдьан,
Таастары салыы аалан,
Биэрэктэри тимирдэҕин,
Харааптары дэгдэтэҕин,
Харыстаа дуу дууһабытын —
Тыаны буллар, быыһаа, аһын!»
Буочуканы оргууй ылан,
Биэрэккэ ууран баран,
Төттөрү уостан сүттэ —
Долгунчаана иһиттэ.
Уоллаах ийэ быыһаннылар —
Биэрэктэри буллулар.
Буочукаттан ким таһаартыай?

Н.Г. П авлов тылбааһа

Остуоруйа салгыытын 2010 сыллаахха «Бичик» нацио-
нальнай кинигэ кыһатыгар тахсыбыт «Салтаан саар,
кини уола Кибидиэн Салтаанабыс уонна Куба сарыа-
бына туһунан остуоруйа» диэн кинигэҕэ аах.