Page 113 - ЛИТЕРАТУРА ААҔЫЫТА 4 КЫЛААС 2 ЧААҺА

Аҕам мичээрдиир, миигин төбөбүттэн имэрийэр. От-
тон аттыбар турар дьон, мин ырыабын истэ охсон, эмиэ
күө-дьаа буола түһэллэр. Миигин өссө ыллаа диэн көрдө-
һөллөр. Мин Миша аҕатын туһунан ыллыыбын:

Миша хоһуун аҕата
Бастыа таба күрэҕэр.
Кини курдук мин иидиэм
Эмиэ мааны, үчүгэй.

Иидиэ* — дьүкээгирдии эдьиий диэн тыл. Мин М иш а
ийэтин идее диэн ааттыыбын.

М иш а аҕата күлэ түстэ, иидиэ диэки ыйда:
— Дьэ, дьэ! Ити кинини туой эрэ.
Мин ыллаатым :

Кэмпиэт кэһии ыытарын
Кэтэһэбин мин куруук.
Оттон бэйэм тиийэммин
Ыалдьыттыырым өссө ордук.

Эмискэ булумахтаһыы буола түстэ. Дьон халҕаһата
икки аҥыы сэлэлээтэ.

Бөһүөлэктэн кэлбит киһи күрэхтэһиигэ кыттааччылары
туспа туруортаата уонна:

— Биир! Икки! Үс! — диэтин, табалар ойон кэбисти-
лэр. Туркулар өрүтэ көттүлэр. Сөмөлүөт түспүтүн курдук,
хаар күдээрэ ыһылынна.

Эккирии-эккирии хаһыытаһыы, иһиирии, күлсүү-салсыы
сүрдэннэ.

Оҕолор: «Мин аҕам куотта, эн аҕаҥ хаалла», — дэһэ-
дэһэ, бэйэ-бэйэбитигэр сабыта түһүстүбүт, тиэритэ ан-
ньыстыбыт.