Page 108 - ЛИТЕРАТУРА ААҔЫЫТА 4 КЫЛААС 2 ЧААҺА
P. 108
эрэ иһэр! Биһиэхэ адьас маарыннаабат. Икки атаҕар өрө
тура сылдьар, сирэйэ кып-кыһыл!
Бугдынжа үөрэ түстэ:
— Тукаам, куттаныма. Ити — киһи. Биһигини көрөр-
харайар, араҥаччылыыр* хаһаайыммыт, өйдөөн кэбис,
киһи — табаҕа доҕор. Эн ыраах, үрэх баһыгар, төрөөбүт
буолаҥҥын, киһини өссө көрө иликкин, ол иһин кинини
билбэккин.
Киһи наҕыллык хааман ийэлээх уолга чугаһаата. Үрдүк
уҥуохтаах, дараҕар сарыннаах, муннун анныгар убаҕас
бытыктаах, кэтит мыччыстаҕас сирэйдээх, киэҥ төгүрүк
харахтарынан олус сэргээбиттии көрөр. Кини бүтүннүү
кэриэтэ түүтэ түһэн саралаабыт, хохто буолбут кылгас
соннооҕо, биир оннук ыстааннааҕа, атаҕар бороҥ тыс
этэрбэстээҕэ. Бу — табаһыт Түмээ кэлэн турара. Кини
Бугдынжаҕа дорооболоһордуу истиҥ баҕайытык мичээр-
дээбитигэр, салгын харааччы сиэбит сирэйэ сырдыы түс-
пүтэ. Бугдынжа — Түмээ ыанньык табата. Сиэбиттэн туус-
таах мөһөөччүгү таһааран, ытыһыгар ылан табатыгар уунна:
— Чэ, кэл, кэл, Бугдынжа, тууста салаа!
— Кэби-ис, ийээ, куотуохха! — тугутчаан, киһи хам-
санарын дьиксинэ көрө-көрө, иһиллэр-иһиллибэттик боту-
гураата.
— Суох, суох, куттаныма, — диэтэ ийэтэ. — Бу үтүөкэн
киһи. Эйигин көрөөт, хайдах курдук үөрдэ.
Түмээ санныгар кэтэ сылдьыбыт уһун быатын илии-
тигэр ылла.
— Кини билигин эн кулгааххар бэлиэ оҥоруоҕа.
— Ийээ, мин куттанабын! — диэт, уолуйбут Тоосапа-
чаан ойон быыралыы турда.
Түмээ саҥ а таһааран күллэ:
