Page 104 - ЛИТЕРАТУРА ААҔЫЫТА 4 КЫЛААС 2 ЧААҺА

Андрей Кривошапкин

ТООСАПАЧААН

ТАБАҺЫТ ЫРЫАТА
(Дьоҕус сэһэн)

1. Эбээн норуотун туһунан истибиккин, билэргин кэп-
сээ.

2. Айымньыны иһит. Тоосапачаан диэн кими этэллэ-
рий?

3. Тугут, ийэ уонна киһи кэпсэтиилэрин таска ааҕыс.
4. «Мин Тоосапачааным» диэн өйтөн суруй.

Күн

Тоосапачаан бу үөр табаҕа саас эрдэ бастакынан
төрөөбүтэ. Чэмэлкэй курдук эрээри, сылааһыттан адьас
б эр си б эт күн турбута. Онон быыкайкаан үтүлүк саҕа ту-
гутчаан хатыылаах көмүрүө хаарга сытан тоҥо сыспыта.
Түүтэ долгуннура сырдаан көстөр, ньап-ньалҕаархай, хап-
хара этэ. Ньылаҕар сүүһүн ортотугар маҥан туоһахтата
ыраахтан сулус буолан көстөрө. Киһи көрө-көрө таптыах,
аһыныах тугута этэ.

Ийэтэ Бугдынжа кырачаанын нарыннык салыы-салыы,
иһигэр киҥинэйэн дьол ырыатын ыллыыр курдуга: «Оҕок-
кобун Тоосапачаан диэн ааттыам» дии санаабыта. Буг-
дынжа сааһырбыт үүттээх таба этэ. Бу үөргэ кини оҕоло-
ро, сиэннэрэ элбэхтэр. Бастакыларын дьүһүннэрэ мэлдьи
күрэҥ буолар этэ, ардыгар мап-маҥан уонна эбирдээхтэр
эмиэ төрүүллэрэ.

Оттон маннык кэрэ тугуту кини аан маҥнай төрөттө.