Page 100 - ЛИТЕРАТУРА ААҔЫЫТА 4 КЫЛААС 2 ЧААҺА

иһинэн аргыый ньохоохтоон бара турбутун, тайах кэннит-
тэн көрөн туран: «Иэскин төлүөм диэхтиир. Хата, атаҕа
үчүгэйдик үтүөрэн хаалара буоллар, ол дьолуҥ уонна миэ-
хэ махталыҥ буолуо этэ» дии санаабыт.

Ити кэнниттэн хас да сыл ааһар. Биир түүн тайах сис
күөлүттэн уулаан баран, тыаҕа тахсан иһэн, боробулуоха
туһаҕы кэтэн кэбиһэр. Тайах бастаан боробулуоха туһаҕы
быһа көтөн кэбиһээри, иннин хоту м ээнэ дьүккүйтэлээбит.
Ол аайы туһаҕа быстыбатах. Хата, эбиитин өссө ордук
ыйыллан, кытаанахтык ыбылы ылбыт. Кыһыытыттан, аба-
тыттан ордук сэтэрэн, боробулуоханы быһаары, эрийэ-
мускуйа, мөхсө сатаабыт да — барыта кыбыс-кытаанах,
тимир-тамыр курдук.

Биир күн ааһар. Иккис күн ааһар. Үһүс сарсы ард а-
та буолар. Арай туран суор сарсы ардааҥ ҥ ы аһын булу-
наары, тайах көппөллөн сытарын көрөн, үрдүгэр түһээри
элиэтиир.

— Суор, мин харахпын оҥоору гынаҕын да, эрдэ, өлө
иликпин, — тайах кыһыйбыт санаатын этэ сыппыт.

— Хаһан өлөн абырыыгын. Аһаабатаҕым хас да хонно.
Өллөргүн биһиги, суор, тураах аймахтара, собулҕаҕын су-
буйан абыраныах этибит. Хаах-куук! Түргэнник өлө оҕус.
Сарсын сарсыарда халлаан сырдыыта кэлиэм, — суор
кэлбит сирин диэки көтөн күпсүйэ турбут. Ол кэннэ та-
йах хаһан өлөрүн кэтэһэн, хара тыаттан бары аймахтарын
ыҥырталыыр.

Тайах эрэйдээх утатан, аччыктаан иэдэйэр. Онуоха
эбии, күһүҥҥү «эмээхсин сайынын» саҕанааҕы кураан
күннэр турбуттар. Муннугар, хараҕар хара баһаам сах-
сырҕа хатаммыт. Төрдүс сарсыардатыгар ойуур саҕаты-
нан, оту-маһы быыһынан, тула өттүн бэркэ сэрэнэн көрө-