Page 95 - ЛИТЕРАТУРА ААҔЫЫТА 4 КЫЛААС 2 ЧААҺА
P. 95
Семён Данилов
КЫ ҺЫННААХ КЫРААЙБАР
1. Саха сирин кыһынын туһунан хоһуйан суруй.
2. Хоһоону доргуччу аах.
3. Хас биирдии кэрчигинэн (строфанан) ырыт.
4. Строкаҕа бүтэһик тыл сүһүөҕүн аннынан тарт. Са-
нааҕын эт.
5. Уус-уран быһаарыыны булан ырыт.
Сайы ҥ ҥ ы быйаҥнаах алааһым!..
Кыһыҥҥы ыарахан көмнөҕүм*!..
Төрөөбүт чысхааннаах алаһам*,
Ыраахтан эн тупсан көстөҕүн.
Кырынаас сонноммут курдуктар
Кырыаны таҥныбыт хатыҥнар,
Чуумпуран, налыйан турбуттар
Чоҥкуйбут* чараҥмар мустаннар.
Күөх солко таһынан бэсчээннэр
Үллүккэй саҥыйах кэппиттэр,
Халысхан хайыһар миинэннэр
Халдьыаны таҥнары тэппиттэр.
Ол ыраас, ол сы лаас сыа хаарга
Умсаннар улардар хоноллор,
Кистэлэҥ симилэх* сыбарга
Кирийбит куобахтар тоҥмоттор.
