Page 91 - ЛИТЕРАТУРА ААҔЫЫТА 4 КЫЛААС 2 ЧААҺА

К үннүк Уурастыырап

КЫҺЫН КЭЛИИТЭ

1. Хоһоон туох туһунан буоларын бэлиэтиир саамай
сүрүн тыллары уһул уонна быһаарарга холон.

2. Ааптар кыһыны атыннык туох диэн этэрий? Тоҕо?
3. Хоһооҥҥо дьүөрэлээн этии (рифма) холобурун бул.

Күһүммүтүн ыраах кыйдаан,
Күрэҥ өҥү маҥхатан,
Кыладыйар Кыыдаан-Чысхаан
Кыһын кэллэ, кыайан-хотон.
Тоҥортолоон чуҥкунатан,
Хаһыҥынан хаарыйбахтаан,
Тобурахтаан, кыраһалаан,
Хаарын-мууһун хаҥаппахтаан,
Күлүм өҥнөөх көмнөҕүнэн
Чөмчүүк курдук күндээрийэн,
Чаҕыл кыымнаах кырыатынан
Дьантаар таастыы сандаарыйан,
Үрүҥ көмүс уотунан
Үөрэ-көтө күлүмнээтэ.

Куһу-хааһы ыраах кыйдаан,
Куобах түүтүн маҥхатан,
Кыладыйар Кыыдаан-Чысхаан
Кыһын кэллэ, тоҥон-хатан.
Оскуолаҕа хосторгутун
Сылаас, сырдык гына тутуҥ,
Хаҥкыгытын сууйуҥ-сотуҥ,