Page 88 - ЛИТЕРАТУРА ААҔЫЫТА 4 КЫЛААС 2 ЧААҺА
P. 88
Ойбон тэстэрэ чугаһаан, муус быыһынан уу бычыгы-
раата. Сэбирдэх соруйан, ууну күүстээхтик тэптэрээри,
тула тэһиргэтэн уута тахсар сирин кэҥэтэн баран, ан-
ньыытынан соҕотохто түспэхтээн кэбистэ. Муус анныгар
хаайтаран тыына ыгыллыбыт курдук, уу өрө тэбэн оргуйан
таҕыста, ону кытары үс-түөрт собо өрөҕөтө кытарыҥнаан
ааста.
Тула турбут дьон, бука бары, соһуйбут көтөр курдук
бураллан, онно-манна сырсан хааллылар. Сэбирдэх ойбо-
нун түгэҕин кэҥ этэ көйөн буллугунайда. Ньукулаас ойбо-
нун мууһун сүүрдээн аччарыста. Били барбы т дьон бука
бары, анньыыларын сүгэ-сүгэ, саба сырсан кэлэннэр, Сэ-
бирдэх ойбонун тула хаар күрдьэн, алларан киирэн бар-
дылар. Урут тэһэ охсон, бастаан куйуурдаары сырсар
үлүскэн манна барда. Бүгүрүһүү, ньүксүрүһүү ыраатта. Сэ-
бирдэх эмиэ сүрдээхтик тиэтэйдэ.
Ол икки ардыгар онно-манна ойбону тэһэ охсоннор,
уу тэбэр тыаһа иһиллитэлээтэ.
Сэбирдэх, ойбонун мууһун ситэ ыраастаабатар даҕа-
ны, киһи иннинэ куйуурун батары биэрдэ. Аҕыйахтык эр-
гиппэхтээт, таһаара көтүппүтэ, биэс-алта собону кытары
бадараан былаастаах мунду кэлбитин тымтайын таһыгар
сүөкүү оҕуста уонна иккиһин батары биэрдэ.
Ньукулаас, саҥата суох, маҥнай соболорун үрдүгэр
түсүһэн, тымтайыгар быраҕаттаата, онтон бадараан быы-
һыттан мундуларын итигэстии туран, биир баҕа тыраадыҥ-
наан тахсыбытын атаҕыттан ылан кэннин диэки элиттэ.
Быраҕыллыбат баҕа Ордьоох Ньукулай оҕонньор куйуур-
даары турар ойбонугар «чалыр» гына түһээт, тарбахтарын
тырас гыннаран, тохтуу түһэн баран, уу түгэҕин диэки
тыраадыҥныы турда.
