Page 106 - ЛИТЕРАТУРА ААҔЫЫТА 4 КЫЛААС 2 ЧААҺА

— Ийээ, оттон хараҕым тоҕо саатарый? Ончу тугу да
көрбөппүн дии, — Тоосапачаан кыҥкыйдыы сытта.

— Тула өттүҥ хаар. Күн уотугар хаартан ити хараҕы ҥ
саатар. Куттаныма, сүүскүнэн миэхэ сигэнимэ, хараххын
сыыйа ас. Күн сы рды гар сотору үөрэниэҥ .

Тугутчаан хантайан көрбүтэ, үөһэ туох эрэ ап-араҕас
төгүрүк ыйанан турара, ону тула кыһыл көмүс сарадах
утахтар тыргыллаллара. Тоосапачаан ол төгүрүгү өр да
өр одуулуу сыппыта. Онтуката, арай киниэхэ мичээрдиир
курдуга. «Тугун дьиктитэй, кини м иэхэ м ичээрд ээтэҕинэ,
тымныы намырыырга дылы гынар дии».

— Уолчааныам, ити күн. Кини баар буолан биһиги
тыыннаахпыт. Кини кыһыл көмүс сардаҥалара биһиэхэ сы-
лааһынан, сырдыгынан илгийэллэр, — диэн ийэтэ иэйэн
эттэ.

Тоосапачаан өөр-өр көрөн сытта уонна килбиктик эттэ:
— Д о р ооб о, күн!
Тоосапачаан түргэнник улаатан испитэ.
Бэҕэһээҥҥи уу ньирэй оҕочоос аны элэстэнэ сүүрэр
буолбута. Туоһахталаах кэтит сүүһүн хантаччы туттан
ойуоккалаатаҕына, хара харахтара тугу барытын дьиктир-
гии эриличчи көрөллөрө. Э рбэх саҕа быыкайкаан кутуру-
гун, кыайыах-хотуох айылаах, чороччу тутара. Кинини бу
аан дойдуга ким да ситиэ суоҕун курдук сананара.
— Тоҕо эн биир сиргэ таба турбаккын? — диэн ийэтэ
ардыгар мөҕөрө.
Тугутчаан ону эрэ кэтэспит курдук, өссө тэптэн оон-
ньохолуура: өрө ыстаҥалыыра, моонньун күөкэтэрэ, оттон
кэлин атахтарынан санаатыгар бу турар өстөөҕүн тэбэ-
рэ. Бугдынжа, уолчаанын унаарыччы көрөн кэбиһэ-кэбиһэ,
салгыы нус-хас мэччийэ сылдьыбыта.