Page 107 - ЛИТЕРАТУРА ААҔЫЫТА 4 КЫЛААС 2 ЧААҺА

— Кэл, биэбэкээм , миигин батыс. Наһаа сүүрүмэ.
Ырыаҥ, оччоҕуна мөлтөх буола улаатыаҥ.

— Түргэнник улаатыахпын баҕарабын ээ, — баһын ил-
гистэ-илгистэ, атахтара тоһугуруу-тоһугуруу Тоосапачаан
хардарар.

— Д ьэ ол иһин кытаатан тото-хана мэччий, — ийэтэ
оҕотун сымнаҕас хоҥоруутунан* арҕаһыттан, ойоҕоһуттан
үтэ-үтэ, үчүгэй мэччирэҥнээх сир диэки илдьэн истэ.

Күнтэн күн халлаан улам ылааран барбыта. Тыал-
куус мөлтөөбүтэ. Саҥарды ы ҥҥа диэри хаар адьас кылбаа
маҥан этэ. Оттон билигин, били кылабачыйбыта ханна да
суох, бороҥ, көпсөркөй, сыстаҥнас буолан хаалла. Онно-
манна, ордук хайа тэллэҕэр, лоскуй-лоскуй харалдьык-
тар тахсыталаабыттара. Сир ийэ сүрдээх наҕыллык, олус
талымастаан туран, сибэкки ойуулаах саҥ а таҥастары
таҥныталаабыта — бастаан утаа маахта ньургуһунунан,
онтон кэлин сибэкки эгэлэгэтинэн саба тардыммыта.

Ойуур иһэ араас чыычаах саҥатынан туолбута. Буолу-
муна! Сандал саас истэҕэ.

Тоосапачааҥҥа барыта сонун, барыта аан бастаан,
барыта дьикти. Таба үөрэ мэччийэр сирэ аччаата. Та-
баһыттарга күргүөмнээх кэм — таба төрөөһүнэ үгэннээн
турар. Күн ахсын бу халлаан анныгар хотугу киһи сүрэҕин
үөрдэр, дууһатын манньытар уонунан тугут эбиллэр. Олор
мэҥирэһиилэрэ, эккирэтиһэ оонньуур тыастара, ой дуо-
раана буолан, хайалар сирэйдэригэр охсуллар. С аҥ а тө-
рөөбүт тыыннаах дууһалар саҥалара, тыастара-уустара
халлааны-сири бүттүүнүн толорон кэбистэ.

Оттон Тоосапачааны саҥаттан саҥ а көрсүһүү, билси-
һии күүтэрэ.

— Ийээ, үрэх диэкиттэн биһиэхэ ынырык баҕайы туох