Page 121 - ЛИТЕРАТУРА ААҔЫЫТА 4 КЫЛААС 2 ЧААҺА

ЭЛБЭҔИ ААҔЫАҤ -
ҮГҮҺҮ БИЛИЭҤ

(Биллэрэр-көрдөрөр тиэкистэр)

ТЭКИ ОДУЛОК -
ДЬҮКЭЭГИР ЛИТЕРАТУРАТЫН

ТӨРҮТТЭЭЧЧИ

Тоҕус уон икки сыллааҕыта билиҥҥи Үөһээ Халыма
улууһун түөлбэтигэр Нелемнэйгэ Спиридонов диэн көс
олохтоох дьүкээгир ыалыгар уол оҕо төрөөбүтүн Николай
диэн ааттаабыттара. Кэлин кини улаатан, Ленинградка
үөрэнэн, дьүкээгирдэртэн бастакы суруйааччы, учуонай
буолбута. Кини оҕо эрдэҕинээҕитин туһунан бу курдук
кэпсээбитэ: «Ясачнай өрүскэ, талах ойуур быыһыгар, таба
тириитэ бүрүөһүннээх отууга төрөөбүтүм. Аҕабын Атыля-
хан Иполин диэн ааттыыллара. Кини Чолгородие аҕатын
ууһуттан, атыннык эттэххэ, куобах булдунан иитиллэн оло-
рор дьоннортон төрүттээх дьүкээгир этэ.

Оҕо сылдьаммын дьиэ кэргэттэрбин кытта бииргэ
Ясачнай өрүс салааларын, ойуурдаах сыһыыларын бул-
ду эккирэтэн өрө-таҥнары сыыйбытым. Аҕам буораҕынан
эстэр саата суоҕа, онон бултааммыт тыыммытын эрэ ма-
нанарбыт, үгүстүк быстаран аччыктыырбыт.

Биирдэ оннук сутаан сырыттахпытына, миигин, маһы
хаһан оҥорбут тыыларыгар олордон, Орто Халыма куора-
тыгар илдьибиттэрэ. Онно туора дьоҥ ҥо олорбутум, бас-
таан нуучча, онтон саха атыыһыттарыгар.