Page 85 - ЛИТЕРАТУРА ААҔЫЫТА 3 КЫЛААС 1 ЧААҺА
P. 85
Егор Макаров
ХОТОЙ О¡ОТО
Биһиги оттуу сылдьан Хайаада диэн сиргэ төрөөбүт
хотойу көрбүппүт. Хотой биир оҕолооҕо. Оҕото бэйэтин
саҕа улааттар даҕаны, ыраах көппөт. Уйатыттан сиргэ
түһэр, сиртэн олорор мутугар көтөн тахсар. Сарсыарда
ийэтэ бултуу барарыгар мутукка олорон хаалар. Киэ-
һэ ийэтэ кэлиэр диэри мутугар ол курдук олорор.
Маһынан халбарыччы астахха, кыыһыран түүтүн сахса-
тар, өрө үллэн тахсар уонна сүр үлүгэрдик чаачыгыраччы
caҥapap. Оннооҕор өлбүт турааҕы аҕалан тиитин ан-
ныгар ууран кэбистэххэ, ийэтэ кэлиэр диэри сиэбэт.
Киэһэ ийэтэ кэллэҕинэ эрэ сиргэ түһэр.
Ийэтэ сорох ардыгар сүүрбэччэ көс сиртэн өрүс
балыгын аҕалар. Оччоҕо үөрүү-көтүү, сапсыныы бөҕө.
Ийэтин кэһиитин кытта холбуу били турааҕы эмиэ сиэн
кэбиспит буолар.
Сарсыарда ийэтэ барбытын кэннэ көрдөххө, хотой
оҕото бэҕэһээҥҥи мутугар бобуччу тутуһан, баҕыырдаах
тыҥырахтара килбэһэн, тумса токуруйан олорор буолар.
Хотой оҕото даҕаны ийэтин тылын олус истимтиэ
эбит, ийэтэ барарыгар ханна олордубутай да, онтон
уһун күнү быһa биирдэ халбарыйан көрбөт.
85
