Page 83 - ЛИТЕРАТУРА ААҔЫЫТА 3 КЫЛААС 1 ЧААҺА

— Оччоҕо тугуй?
— Суор буолуо, — кэпсэтиигэ аны мин кыттабын.
— Суор хара дуо? — Алёша эмиэ ыйытар.
— Хара, — дии-диибин хаҥас түннүгүнэн көрбүтүм,
кырдьык, тураах муҥнаах, икки дьабадьыта кырыаран
баран, туотаҥныы олорор эбит.
Тураахтар биһиэхэ кыстыылларын туһунан урут ис-
тибит буолан, соһуйбатым.
— Тохсунньуга тураах кэлбит, доҕоттоор, — диир-
бин кытта, дьиэлээхтэр улаханныын-кыралыын түннүккэ
үмүөрүстүлэр. Тураах тумсун хаарга туора-маары охсон
баран, сыа хаары уобалаата, онтон тугу эрэ иһиллээ-
биттии чочумча олорбохтоото.
Арай өйдөөбүтүм, бу сайын ыалбыт уола Толя тураах
оҕотун ииппиттээҕэ. Кини сайыны быһа дьиэ таһыттан
арахпатаҕа, атын тураахтары кытта доҕордоспотоҕо. Арай
икки тураах мэлдьи кэлэллэрэ. Аҕалаах ийэтэ буоллах-
тара диэн таайарбыт. Кµһµн буолан, көтөр кынаттаах
барбытын да кэннэ, тураахтар хойукка диэри сылдьы-
быттара. Ону: «Үчүгэй дьыл буолан хойутууллар», —
диэн быһаарбыттара кырдьаҕастар. Онтубут ити баар!
Ол иитиэх тураах оҕото, аҕыс ыйдаах амырыын кыһын
аргыарыныын аалсаары, кыстыы хаалбыт эбит.
Ити кµнтэн ыла Алёша биһикки тураахпытын кэтиир
буоллубут. Мин сарай иһигэр киирэн ohox турбатын
төрдµгэр дьиэлэнэрэ буолуо диэн таайа санаабытым.
Ол гынан баран, онно биллибэтэҕэ. Aппa µрдµнээҕи хо-
йуу харыйаҕа утуйар эбит. Олус тымныйдаҕына, көппөт.
Аһыыр сиригэр ичигэс coҕyc кµҥҥэ кэлэр.
— Тураах атаҕа тоҥмот дуо? — диэн Алёша
ыйыталаһар.

83