Page 79 - ЛИТЕРАТУРА ААҔЫЫТА 3 КЫЛААС 1 ЧААҺА

сыһыаран айаҕар илдьэр. Оттон ууну тириитин курдат,
төһө наада буоларынан «иһэр».

Сорох оҕолор баҕа дьүһүнэ куһаҕанын иһин ханна
көрөллөр да өлөрөллөр. Ол сыыһа. Баҕа, мөлүйүөнүнэн
бырдахтары, сахсырҕалары сиир буолан, киһиэхэ ула-
хан туһалаах. Ону умнарбыт, аанньа ахтыбаттык сыһыан-
наһарбыт сатаммат.

Владимир Фёдоров
САНТА КЛАУС ДОЙДУТУГАР

— Тымныы оҕонньор ханна олороро буолуо дии
саныыгыт, оҕолоор?.. Ыраах-ыраах, тус хоту... Ол хан-
на?.. Э-һээ, билбэккит...

Оттон Америка оҕолоро кыракый эрдэхтэриттэн ки-
нилэр Тымныы оҕонньордоро — Санта Клаус Фэрбенкс
куорат аттыгар Хотугу Полюс диэн бөһүөлэккэ олоро-
рун чопчу билэр дьоллоохтор. Ол куорат Америка олох
түгэҕэр, хотугу штатыгар Аляскаҕа баар.

Былырыын сайын мин онно сылдьыбыттааҕым. Бил-
лэн турар, ол бөһүөлэккэ илдьэллэригэр көрдөспүтүм.
Тиийэн иһэн сүүнэ улахан Санта Клаус статуятын көр-
бүппүт. Мин тахсан аттыгар чугаһаабытым — баара-суоҕа
бачыыҥкатын саҕа эрэ эбиппин. Эйэҕэстик мичээрдээн,
кини ыраах-чугас ыалдьыттары барыларын дьиэтигэр
ыҥыра турара.

Таһыттан да дьэрэкээн ойуулардаах дьиэ иһэ эмиэ
дьиҥнээх остуоруйа дойдута буолан биэрдэ. Бэйэҕит
да санаан көрүҥ: хайдахтаах курдук кэрэний — биир

79