Page 19 - ЛИТЕРАТУРА АА5ЫЫТА 4 КЫЛААС 1 ЧААhА

гыҥҥа үөһэ тахсыбакка, күөл үрдүнэн үллүктүү тэнийбитэ.
Бэҕэһээ киирбит кэмигэр куула тыаттан* эһэ эмиэ кии-
рэн, от быыһынан үллэриҥнээн, икки кэлин атаҕар туран,
буруону сытырҕалаан баран, сөбүлээбэтэхтик киҥинэйэ-
киҥинэйэ төттөрү тахсан атын күөлгэ дьаадьыйбыта.

Кыыс күөл кытыытыттан үргээбит былырыыҥҥы лаҥха
кураанах отун үрдүгэр чөкө түһэн оҥостон олорон, бэдэр
эмиэ кэлиэ диэн, түүн утуйбакка санаммыта. Ол эрээ-
ри түүн үөһэ ааһыыта, уотун сылааһыгар сылаанньыйан,
өлөрдүү утуйан хаалбыта. Ньырбачаан сымнаҕас окко уот
сылааһыгар олус үчүгэйдик утуйан, күн тахсыан эрэ инни-
нэ уһуктан кэлбитэ. Уота умуллан, үрүҥ күлүнэн бүрүллү-
бүт, бэйэтэ, өссө утуйуох киһи, дьагдьайан уһуктубут этэ.
Ньырбачаан ойон туран, арыычча кылайа сытар чоххо
амынньыар* тоһуталаан быраҕаттаабыта, кутаатын күөдьүп-
пүтэ. Сотору тиит оһуу-хоһуу төбөтүн өҥөйөн, күн барах-
сан күлүмүрдээбитинэн бу тахсан кэлбитэ, туох барыта
чаҕылыйа, үөрэ-көтө түспүтэ. Ньырбачаан, санаата эмиэ
көтөҕүллэн, күөл кытыытыгар сууна киирбитэ.

Кытыы оттон, адьас атаҕын тумсуттан, кынатын түүтүн
үргэммит эмис баҕайы сара көҕөн устан киирбитэ. Ньыр-
бачааны сөбүлээбэтэхтии, икки өттүнэн кынчыатаан көрө-
көрө, тугу эрэ саҥарбыта. Ньырбачаан бу киниттэн кут-
таммат нэс куһу хайдах эмэ бултаһан сиэбит киһи диэн
санаан ылбыта.

Кус тиэтэйбэккэ, от быыһыгар киирэрин көрөн турбах-
таан баран, кыыс уу иһээри төҥкөйбүтэ. Чоҕулуччу көрбүт
быыкайкаан синньигэс сирэйдээх кыысчаан ууттан кинини
өҥөйөн көрбүтэ. Сирэйин күн уота харааччы сиэбит этэ,
уоһун оҕото дэлби хатырыктыйбыт. Кыыс ууга төҥкөйбү-
түгэр, биир сүүмэх гына өрүммүт суон баттаҕа, санныттан