Page 23 - ЛИТЕРАТУРА АА5ЫЫТА 4 КЫЛААС 1 ЧААhА

«Саха былыргы сэһэннэрэ уонна кэпсээннэрэ» кинигэт-
тэн эбии аах (Дьокуускай, 1977 с.).

Иван Данилов

ТУЙМААДА ХОЧОТО

1. Өлүөнэ эбэ үс хочотун ааттаа.
2. Туймаада хочотун туһунан билэргин кэпсээ.
3. Тиэкиһи аах. Тугу эбии биллиҥ?

Лена эбэ кэрэ биэрэгин силигилии сириэдийбит, на-
ҕылыйан налыйбыт, киэҥ-куоҥ, чээл күөх хочолор киэргэ-
тэллэр. Онно сыспай сиэллээх сылгы үөрэ, хороҕор муос-
таах ынах үөрэ мэччийэр. Бу дойдуга бэрт эрэйинэн, бы-
тааннык сири оҥорор буолбуттара. Онтон сир оҥоһуута
сыыйа Өлүөхүмэ, Бүлүү, Амма устун тарҕанан испитэ.

Туймаада хочото норуокка ордук аатырар-сураҕырар,
ырыаҕа ылланар, хоһооҥҥо холбонор, кэпсээҥҥэ киирэр.
Дьокуускай чугаһынан өрүс сүнньүгэр соҕуруу Ытык Хайа
(эбэтэр Табаҕа Хайата) тумустаан турар. Оттон хоту диэ-
ки хотугу Ытык Хайа (эбэтэр Хаҥалас Хайата) үрдээн
көстөр. Дьэ, ити ытык хайалар икки ардыларыгар Улуу
Туймаада унаара-мэнээрэ биллибэт өҥ хочото тунаарар.
Устата 60 километр. Манна аата-ахса биллибэт элбэх
киэҥ-куоҥ бааһына, ходуһа, мэччирэҥ нэлэһийэн сытар.
Хатыҥ, үөт, бэс мас бөлөхтөөн үүнэр.

Туймаада куйаарыгар долгуйар Дьокуускай куорат, эл-
бэх дэриэбинэ, рабочай бөһүөлэк турар. Холобур, Жатай,
Киллэм, Хатас, Хаҥалас, Табаҕа, Марха, Маҥан диэн аат-