Page 25 - ЛИТЕРАТУРА АА5ЫЫТА 4 КЫЛААС 1 ЧААhА
P. 25
Тимофей Сметанин
СНАЙПЕР СААТА
1. Тимофей Сметанин ханнык айымньыларын билэҕин?
2. Саха саллаата Чээрин сэрии буолбут сирин тоҕо кэ-
рийдэ? Санааҕын эт?
3. Айымньы тылын туһанан, кини майгытын сиһилии
кэпсээ.
Бэркэ таптыыр биэбэкэм,
Биэстэ эстэр бинтиэпкэм!
Күн Дьирибинэ
Соҕуруу дойдуга маннык халыҥ ойуурдаах сиргэ киһи
дэҥҥэ түбэһэр. Киллэм хонуу сир эбитэ буоллар, Чээрин
эрэйдээх өстөөхтөргө түбэһэр этэ.
Үчүгэйиэн көҥүл сылдьар, бу сир ийэ түөһүгэр көҥүл
хаамар, бу ыраас салгынынан көҥүл тыынар! Туругурдун
көҥүл!
Сарсыарда. Ойуур иһигэр баар кыра чуоҥаах курдук
хонууга быардаан сыттым.
Астаах киһи аһыах эбит.
Күрээбит сирбиттэн балай эрэ ыраах кэллим бы-
һыылаах.
Сахалыы сис туттан баран, тииттэр быыстарынан хаа-
ман истим. Тохтоон сынньаммыт сирбиттэн икки-үс биэ-
рэстэни барарбын кытта, ойуур саҕата кэллэ. Манна урут
биһиги чаастарбыт өстөөхтөрү кытта охсуспуттар. Сиҥни-
бит окуопалар, тииттэргэ оскуолка түспүт саһархай баас-
тара, төбөлөрө быстыбыт титириктэр — ити барыта манна
охсуһуу буола сылдьыбытын кэпсиир.
