Page 29 - ЛИТЕРАТУРА АА5ЫЫТА 4 КЫЛААС 1 ЧААhА
P. 29
Илья Винокуров-Чаҕылҕан
ГЕРОЙ ПОПОВ ТУҺУНАН ЫРЫА
1. Хоһооҥҥо хоһуллубут саха уолун туһунан билэҕин
дуо?
2. Кини ханнык хорсун быһыыны оҥорбутуй? Ону
көрдөрөр строкалары булан аах.
3. Хоһоонтон дьүөрэлэһэр сүһүөхтээх тыллары (рифма-
ны) булан быһаар.
Днепр тымныы долгуннарын
Туоруур саха уола,
Тула ууга бырдааттанар
Ардах буулдьа суола.
Туораан немец окуопатын
Күдэн-таһаан тэбэр.
Өстөөх үөрэ куоппатын диэн
Кэрдэр, кимэн киирэр.
Ахта өстөөх пулемёта,
Өлүк кини тула.
Онно аргыый сыылан үөмтэ
Саха туйгун уола.
Днепр тымныы долгуннарын
Кыһыл сэрии туоруур.
Өстөөх үөрүн бу самнаран
Көҥүл суолун солуур.
Арҕаа эмиэ ардах буулдьа
Ахсым уотун ыһар.
