Page 31 - ЛИТЕРАТУРА АА5ЫЫТА 4 КЫЛААС 1 ЧААhА
P. 31
йах хонуктан бэттэх ыалларын Баһылай оҕонньору кытта
эҥээрдэһэн, чугастааҕы күөллэргэ муҥхаҕа сылдьан эрэр.
Үгүс күөллэр уоланнар, балыктара эстэн, муҥхалара кыра
күөнэх* былаастаах ньамаҕы, бадарааны баһан таһаарар
буолан, муҥхаһыттар кураанах кэлбиттэрэ хаһыс да күнү-
гэр барда.
Түмэппий аҕатын суохтуура күүһүрэн иһэр. Бэл, кыра
балта Өкүүчэ кыҥкыйдаан ытыыр үгэстэннэ. «Аҕаҥ сотору
кэлиэҕэ, кэһиитин саахар аҕалыаҕа», — диэн албыннаан
уоскуталлар. Түмэппий аҕатыныын арахсыбыт күннэрин
сотору-сотору саныыр, ардыгар дьоно көрбөтүгэр хараҕа
ууланан ылар. Аҕата, бараары туран, көтөҕөн ылбыта уон-
на абына-табына бытыктаах сэҥийэтинэн сыстан ылаат:
— Чэ, тоойуом, дьиэҕэ эр киһи эн хааллыҥ, дьоҥҥун
көрө-истэ сырыт, — диэн, улахан киһиэхэ этэр курдук
эппитэ. Ити кэннэ уолун сиргэ түһэрэн кэргэнигэр: «Уол-
гун үөрэттэрэ сатаар», — диэт, төрдүөннэрин бииргэ хам
кууспута. Чочумча тура түһээт, эргиллэ биэрэн, атыгар
