Page 33 - ЛИТЕРАТУРА АА5ЫЫТА 4 КЫЛААС 1 ЧААhА

отун, хомуһу орооһуҥҥа үлэлээтилэр. Бу сүрдээх ыарахан
үлэ. Аны урукку курдук үлэлээн бүтэн баран, Түмэппий
балтын Өкүүчэни кытта бодьуустаспат буолла. Үлэ кэн-
ниттэн дьиэтигэр нэһиилэ иэҕэҥнээн кэлэн, суоратынан
оҥоһуллубут үөрэ оттоох бутугаһын иһэр, ол кэннэ утуйар
аакка барар. Түмэппийдээх ити курдук сордонон оттуу
сырыттахтарына, холкуос икки биригээдэтэ Нам сиригэр
киирэр буолбута. Сураҕа онно от дэлэй үһү...

Балаҕан ыйын ортотун диэки оройуонтан боломуочу-
най тахсан, Түмэппийдээх холкуостарын кэнсэлээрийэти-
гэр турар-турбат дьону барытын муста. Боломуочунайы
байыаннай таҥастаах, өттүгэр бэстилиэттээх, тымныынан
өтөрү-батары көрбүт киһи батыһа сылдьар. Дьиэттэн кы-
һыл сукуна сабыылаах остуолу таһааран тэлгэһэ ортотугар
туруордулар. Дьон суугунаһан бүтэллэрин кэтэһэн, дуос-
пуруннаахтык хоноһон олордулар. Кэлиэххэ айылаах киһи
барыта кэлбитин кэннэ, мунньахтарын саҕалаатылар. Мун-
ньах да буолуо дуо, кэлтэй бэйэлэрэ этэн-тыынан, кими
даҕаны утары этиппэт гына саҥаран, быһааран барбыт-
тара:

— Эһиги холкуоскут, Чурапчы атын холкуостарын кыт-
та, хоту Эдьигээн оройуонугар балык булдугар барар. Бу
нэһилиэктэн икки холкуоһу ыытарга уураах тахсан турар.
Антах барыта бэлэмҥэ тиийэҕит. Онон элбэх малы-салы
ылбаккыт.

— Бэйи эрэ, ол оҕолуун-уруулуун бары барабыт дуо? —
дьон быыһыттан Баһылай оҕонньор бүтэҥи саҥата иһи-
линнэ.

— Бары буолбакка! Эһиги ыамаларгытын манна ким
аһатыай, көрүөй-истиэй?! — Боломуочунай суостаахтык
дьону кэриччи көрүтэлээтэ, ачыкыта тымныынан килбэҥ-