Page 38 - ЛИТЕРАТУРА АА5ЫЫТА 4 КЫЛААС 1 ЧААhА
P. 38
— Фронт чугастааҕы линиятыгар диэри биэс көстөн
итэҕэһэ суох. Немецтэр билигин хас дэриэбинэ аайы кэ-
риэтэ бааллар. Ол гынан баран эһиги аргыстаргыт үчү-
гэйдэр: силбик күн-дьыл, хойуу тыа уонна хараҥа түүн. —
Хамандыыр, биһигини болҕомтолоохтук көрөн баран, эбэн
эттэ: — Ол эрээри, биллэн турар, биһиги сирбитин-уоп-
путун билиэххэ наада. Билбэт буоллаххытына, түүн сир
өтөргүт саарбах.
Кини сири хаһан олордуллубут атахтаах остуолуттан ту-
ран, землянка аһаҕас аанынан кимиэхэ эрэ хаһыытаата:
— Николайы түргэнник миэхэ ыытыҥ!
Бартыһааннар хамандыырдара сэрэхтээҕэ биһигини үөр-
дүбүтэ. Үчүгэй сирдьитэ суох тиийбэппит чуолкай. Биһиги
инники дьылҕабыт тутулуктанар киһитин саҥата суох күү-
тэн олордубут. Онтон ааҥҥа эмискэ киһи уон түөрт саас-
тан ордугу биэрбэт уолчаана көһүннэ. Саараабыт курдук
боруогу атыллаата уонна землянка кирилиэһин кытыыты-
гар олордо. Эргэ баата кууркалаах, башмакка майгынныыр
атах таҥастаах. Уолчаан эргэ хортууһун кум-хам тутар.
— Сирдьиккит илэ бэйэтинэн бу кэллэ, — диэтэ хол-
кутук бартыһааннар хамандыырдара, бэркэ кичэйэн мо-
хуорка эринэ туран.
Майор биһикки итэҕэйбэтэх курдук сирэй-сирэйбитин
көрсөн кэбистибит. Хамандыыр элэктиир дуу, тугуй? Ама
маннык, өйдөөх санаатын тута илик хатыҥыр уолчааҥҥа
алта уон түөрт киһи олоҕун итэҕэйиэххэ сөп дуо?
Биһиги санаабыт түспүтүн бэлиэтии көрөн быһыылаах,
хамандыыр эттэ:
— Коля — биһиги бастыҥ сирдьиппит уонна развед-
чикпыт. Саарбахтыы санаамаҥ. Хата, суолга киниэхэ бас
бэриниэххэ наада. Ити сүрүн усулуобуйа.
