Page 41 - ЛИТЕРАТУРА АА5ЫЫТА 4 КЫЛААС 1 ЧААhА
P. 41
Дьэ онуоха бары ньамалаһа түстүлэр:
— Итиччэ кыра оҕо, туохха эмэ дьоҕурдаах да эбит
буоллаҕына, бэркэ гыннаҕына ыаллыы дэриэбинэҕэ диэ-
ри суолу ыйан биэриэ!
— Дьиҥнээх сирдьити булуохха наада.
Ньамалаһыы күүһүрэн истэ. Онтон аҕамсыйбыт сер-
жант саҥата иһилиннэ:
— Солуута суохха мөккүһэҕит, табаарыстар. Сирдьити
бартыһаан этэрээтин хамандыыра тус бэйэтэ анаабыта.
Ама, кини билбэт үһү дуо, бачча элбэх киһи олоҕун ки-
миэхэ итэҕэйэрин?
Онуоха биһиги байыастарга этэрээт штабыгар биһиэ-
хэ биэрэр сирдьиттэрин туһунан туох диэбиттэрин кэп-
сээтибит. Саллааттар сыыйа чуумпурдулар. Онтон уон
биэс мүнүүтэ кэриҥинэн Коля хайыы-үйэ биһиги орто-
бутугар баар буола оҕуста. Санныгар кыра бобо баайыы
сүгэһэрдээх, дьэрэкээн ойуулаах, синньигэс эриэхэ маһа
торуоскалаах, үүт-үкчү дэриэбинэ бостуугун курдук.
III
Биһиги суолга туруннубут. Коля, биричиинэй быһаҕы-
нан торуоскатыгар эгэлгэ ойуулары оҥута быһан оҥоро-
оҥоро, иннибитигэр хааман иһэр. Кинини батыһан, хан-
нык баҕарар күүтүллүбэтэх быһылааҥҥа бэлэм буойуннар
субуруһан иһэллэр.
Утаакы буолбатыбыт, тыа саҕатыгар таҕыстыбыт. Түүн
үөһэ ааһа охсубут. Чугастааҕы дэриэбинэҕэ мотуордар
тыаһыыллара иһиллэр. Уҥа да, хаҥас да өттүбүтүттэн
дөрүн-дөрүн өстөөх ракеталара сандаарыһан тахсаллар.
Оччоҕо тулабыт эмискэ сырдаан ылар. Биһиги кыракый
