Page 44 - ЛИТЕРАТУРА АА5ЫЫТА 4 КЫЛААС 1 ЧААhА
P. 44
Ханна эрэ ойоҕоспутугар автомат уочарата тарылаата,
онтон иккистээн, үһүстээн тыаһаата.
Коля тыаҕа түһэн хаалла. Бу сырыыга тута төннөн, чуо
майорга тиийдэ.
— Тыа саҕатынан барарбыт кутталламмыт. Иннибити-
гэр немец элбэх уонна сир аайы тоһуур, — диэн араап-
пардаата.
— Оттон эн тугу сүбэлиигин? — майор холкутук ыйытар.
— Чэ, быһаарыаҕыҥ...
Уолчаан эмиэ кини тугу диирин күүтэн тулатыгар оло-
рор сылайбыт дьону эргиччи көрөн ылла.
— Кыратык төгүрүйэрбитигэр тиийэбит, уон икки хас
биэрэстэни, — диэтэ кэмниэ-кэнэҕэс. — Ыараханын билэ-
бин да, түүн үөһүгэр хайаан да шоссейнай суолу туораа-
тахпытына сатанар. Сарсыҥҥыга тиэртэхпитинэ хойутуох-
пут. Немецтэр сэриилэрин чаастара бу диэки түмүллэн
эрэр буолуохтарыгар сөп эбит.
— Оттон салгыы хайдах буолабыт? — диэн дьиксим-
мит саҥа иһилиннэ.
— Салгыы биир оччону бадарааннаах маарынан ба-
рыахпыт, онтон Тарасово дэриэбинэҕэ тиийиэхпит. Сэ-
биэскэй сэриилэр онно баар буолуохтаахтар. Атын, итин-
тэн ордук суолу манна булбаккын.
IV
...Түүн үөһүн саҕана Коля биһигини шоссейнай суол-
га таһаарда. Тыа саҕатыттан шоссеҕа туох кэлии-барыы
баарын болҕойон кэтээн көрдүбүт. Сырдатар ракеталар
ытыс таһынар ыас хараҥаҕа тааҥкалар колонналарын
сандаарыс гыннаран, ардыгар адьас аттыбытыгар эстэл-
