Page 42 - ЛИТЕРАТУРА АА5ЫЫТА 4 КЫЛААС 1 ЧААhА

сирдьиппит хас хамсаныытын болҕомтолоохтук маныыбыт.
Куттал суоһаатаҕына, Коля түргэнник быһаарына охсор.
Кэмигэр төҥкөйүҥ эбэтэр хаптайыҥ, сиргэ сытыҥ диэн
биһиэхэ сигнал биэртэлиир.

— Уолчааммыт сыыһа туттуммат киһи буолан биэрдэ, —
диэн байыастар биһирээн сибигинэһэллэрэ иһиллэр. — Бу
диэкинэн үгүстүк сылдьыбыт барахсан быһыылаах.

Сотору буолаат, этэрээппит эмиэ түҥ тыа быыһыгар
киирдэ. Сынньана, аһыы түһэргэ быһаарынныбыт. Коля
буоллаҕына, ити тохтобулунан туһанан, аһыырын-сынньа-
нарын оннугар, тула өттүн сирийэн көрөөрү, тыа саҕаты-
гар төнүннэ.

Өр баҕайы буолла. Кэтэстэххэ бириэмэ баран биэр-
бэтэ сүрдээх. Хас мүнүүтэ аастаҕын аайы дьиксинэрбит
күүһүрэн иһэр. Тэйиччи ыт үрэн ньаргыйда. Адьас атты-
бытыгар автомат уочарата тачыгыраан ылла. Дьоммут,
бэл, сэбирдэх тыаһаатаҕына, чөрбөҥнөһө түһэллэр.

— Аттыбытыгар немецтэр бааллар! — диэн эмискэ
Коля саҥата иһилиннэ. Бары ойон турдубут. Аҕылаабыт,
илдьи сытыйбыт Коля талах анныгар олорор эбит. Тыын
ылан баран эбэн эттэ:

— Бэҕэһээ манна суохтара ээ.
Коля хантан баар буолан хаалбытын мин баччааҥҥа
диэри кыайан өйдөөбөппүн.
— Халлаан сырдыан иннинэ бу дэриэбинэттэн тэйэн
биэрдэхпитинэ сатанар, — диир салгыы уолчаан. — Не-
мецтэр хайаан да дэриэбинэ чугаһынааҕы тыаны тараах-
тыыллара буолуо.
Төһө да сылайдарбыт, айаммытын салгыырбытыгар
тиийдибит. Аҕыйах чаас буолан баран, киһи эрэ буоллар
дьэ «һуу» гынан, хайдах курдук дуоһуйан, сииктээх сир-