Page 40 - ЛИТЕРАТУРА АА5ЫЫТА 4 КЫЛААС 1 ЧААhА
P. 40
бары истэллэрин курдук, улаханнык биллэрдэ. — Оттон
биһигини Коля бартыһаан сирдиэҕэ. — Итини этэригэр
майор, ордук итэҕэтиилээх буоллун диэн быһыылаах,
«бартыһаан» диэн тылга тохтоон ылла.
Майор Коляны аҕалыы эйэҕэстик саннын таптайда
уонна кыратык иннин диэки аста.
— Салгыы тугу гыныахтаахпыт туһунан эһиэхэ Коля
бэйэтэ кэпсиэ.
Уолчаан онто да суох уһун баата кууркатын аллара
тардынна. Кини адьас оҕолуу чаҥкынас куолаһын биһиги
онно аан бастаан истибиппит.
— Халлаан хараҥарбытын кэннэ туруохпут, — диэтэ
кини кытаанахтык. — Суолга кыра да тыас-уус суох буо-
луохтаах, испиискэлээх табаххытын ыраах кистээҥ! Икки
ардыбыт иккилии миэтэрэ гына субуруһан барыахпыт. Ха-
маанданы барытын сибигинэйэн биэртэлиэм, ону кэнни-
гититтэн иһээччилэргэ тиэрдэн иһиэхтээххит. Сорох сир-
дэргэ немец чособуойдарын аттыларынан ааһарга тиийил-
лэр. Ытыалыахтарын да сөп, ол гынан баран биһиги, бэ-
йэбитин биллэрбэт туһугар, хардарарбыт табыллыбат. Арай
дьэ ыксал эрэ тирээтэҕинэ... Мин инники барыам. Ким
тугу ыйытардааҕый?
Коля, булкуллан хаалыам диэн буолуо, бытааннык са-
ҥарара. Байыастар кинини оччо-бачча сөбүлээбэтэх кур-
дук көрүтэлииллэр.
— Барыта өйдөнөр буоллаҕына, сынньана түһүҥ, —
диэн түмүктээтэ. — Оттон мин баран айаҥҥа бэлэмнэ-
ниэм.
Коля талах быыһыгар киирэн хаалла. Киһи кутун-сүрүн
баттыах курдук чуумпуну биир байыас аймаата:
— Бу аата тугуй, бырааттар, ама, кырдьык дуо?
