Page 46 - ЛИТЕРАТУРА АА5ЫЫТА 4 КЫЛААС 1 ЧААhА
P. 46
ҕа сүүрэргэ күһэлиннилэр. Массыына кычыгыраабытынан
хорус гынна. Аймалҕан буолла, ытыалаһыы саҕаланна.
Истэ оҕустулар быһыылаах, аҕыйах мүнүүтэ буолаат, би-
һиги туораабыт сирбитигэр икки өттүттэн автоматчиктар-
даах уонунан массыына тигинээн кэллэ. Эккирэтии саҕа-
ланна.
Гитлеровецтар уот астылар. Майор тарҕаһа сүүрүҥ диэн
бирикээстээбитин толорор кыах суоҕа: аппабыт кыараҕас
баҕайы эбит, онуоха эбии түгэҕинэн уу сүүрүгүрдэ сытар.
Байыастар, баҕарбаталлар да, бөлүөхсэллэр. Сорохторбут
бааһырдылар.
Иннибитигэр тыа барыгылдьыйан эрдэҕинэ, Коля, уҥа
атаҕынан бүдүрүс гынаат, оргууй кыланан ылла. Мин ав-
томаппын көхсүбэр эргитэ тардаат, уолбун көтөҕөн ыллым
да, тиһэх күүспүн түмүнэн, тыа баһа харааран көстөрүн
хоту түһүнэн кэбистим.
...Киһи сырата-сылбата быстар кутаҥнас бадараан-
наах маары туоруу сатаабыппыт алта чаастан орто. Баа-
һырбыттар нэһиилэ атахтарын соһоллор. Наһыылка биэ-
тэҥниирин тулуйбакка, Коля оргууй ынчыктыыр — кыра-
тык да хамсаатаҕына ыарыыта тулуппат. Ол да буоллар,
кини бүтүн биэрэстэ тухары субуспут биһиги колоннабы-
тын баһылаабытын курдук баһылаан иһэр. Сотору-сотору
байыастар, үрдүк соҕус дулҕаны талан, наһыылкаларын
уураллар. Оччоҕо Коля, төбөтүн өндөтөн, урут фрону атын
этэрээттэри кытта сибээс олохтоору хаста да сылдьыбыт
сирин бэйэтэ эрэ өйдүүр бэлиэлэринэн сирдэтэн билэр.
Олус уһуннук бардыбыт да, сэбиэскэй сэриилэр суох-
тарын курдук суохтар. Кэлин иннибитигэр разведчиктары
ыытарга күһэллибиппит. Онтон биирдэ кинилэри кытта
