Page 27 - ЛИТЕРАТУРА АА5ЫЫТА 4 КЫЛААС 1 ЧААhА
P. 27
Манна чугаһынан ким да суоҕун билэн бараммын,
ойуурга киирэн, күөстэнэргэ тэринним.
Били, мааҕын биир өлбүт фашистан ылбыт зажигалка-
бынан уот ылан, арбах үрдүгэр кутаа отуннум. Кааскабын
кылбаччы сууйан баран, уу баһан, оргута уурдум.
Биир бакыат концентраппын куттум. Хоргуннуун эҥин
бычалыйан, миин бэрдэ тахсан эрэр. Бу биһиэнэ, совет-
скай концентрат эбээт.
Күөһүм чаана таныыбын кычыгылатта, миин амтана
айахпар билиннэ.
«Аһыы сорунан баран, аһаабыттыы аһыахха» диэн са-
наа төбөбөр көтөн түстэ (төбөм баҕас итиннэ алҕаһааба-
та) уонна бакыаттаах иккис концентраппын эмиэ куттум.
Хойуу да хойуу миин бэрдэ буһан эрэр.
— Үчүгэйдик бустун. Аһыы сорунан баран, үчүгэйдик
аһыахха.
«Хайа, баҕар, чугас ким эмэ баара буолаарай, өссө
биирдэ көрүөххэ. Саллаакка сэрэх наада» дии санаатым.
Ойуурум саҕатыттан быган, кэтэһэбин. Мин дьолбор,
кыра тыаллаах буолан, уотум буруота ойууру куотан көс-
түбэт, сайа охсуллан иһэр.
Аһаан бүттүм. Туран хаамыталаатым.
Биир өлбүт өстөөхтөн лаппаакыны буллум.
«Ыл, Чээрин. Сэп хаалыа суоҕа. Эн Робинзон Кру-
зо буолбатаххын, сэрии буолбут сиригэр сылдьан, сэбэ-
сэбиргэлэ суох эрэйдэниэҥ суоҕа, сатабыллаах, кыраҕы
эрэ буолуохха наада».
Ойууртан тахсар сатаммат, дэриэбинэҕэ киирии кут-
таллаах. Ойуурум саҕатынан соҕуруу диэки баран истим.
Бай, бу тугуй? Саппыкы сороҕо көстө сытар. Кэлбэт.
