Page 42 - ЛИТЕРАТУРА ААҔЫЫТА 4 КЫЛААС 2 ЧААҺА

Аан аттыгар охтон түстүм. Өндөйөн, түөрт атах буолан
сыылаҥхайдаатым. Чахчы булчут үүтээнэ эбит.

Тимир оһох аттыгар кураанах хардаҕастары туппахтаан
көрдүм, оттон оһох иһигэр испиискэ баар эбит. Бөҕүөр-
бүт илиибинэн титирэстии-титирэстии, испиискэ уматтым
уонна барбах кылаҥныыр уоту абылаппыт курдук одуулас-
тым. Илиибин сиэбитин да билбэтим.

Сотору оһоҕум умайан тигинээтэ.
Остуол баар. Көрбүтүм, онно өрүнэр күөс уонна эттээх,
килиэптээх, арыылаах, чэйдээх дьааһык турар эбит.
Ити аата эрэйтэн-кыһалҕаттан быыһаннаҕым. Билигин
өлбөппүн, туох да буолбутун иһин.
Дьааһыкка кумааҕы сыыһа баар. Онно суруллубут:
«Күндү суол киһитэ. Итини аһаа. Алдьархайы, сору-м уҥ у
кыайарга күүстэ-уохта киллэр».
Дьоллонон харахпыттан уу-хаар бастым. Итиэннэ
испэр эбиитин туох да буолуом суоҕа диэн эрэнэ са-
наатым.
Бу үүтээн хаһаайынын курдук, дьоҥ ҥ о үтүө үгэс тыын-
нааҕын тухары, биһиги хаһан да туох да буолуохпут суоҕа
уонна ханнык баҕарар быһылаантан быыһана туруохпут.
Балачча буолан баран бэйэм доҕотторбун кытта бу
ыалдьытымсах үүтээҥҥэ иккистээн сырыттым.
Биһиги үүтээн хаһаайыныгар махтанарга быһаарынны-
быт. Өлбөт үтүө үгэһи малааһыннаан баран, барарбы-
тыгар оһох иһигэр испиискэ, ол аттыгар элбэх кураанах
хардаҕаһы, дьааһыкка уруккутааҕар элбэх аһы-үөлү хаал-
лардыбыт.

Ааптар булчут майгытын туһунан этэр тылларын бу-
лан ырытыҥ.