Page 62 - ЛИТЕРАТУРА ААҔЫЫТА 4 КЫЛААС 2 ЧААҺА
P. 62
Быаларын төбөлөрүн ураһаны тулалыы хаартан чоро-
һон турар таба муостары гар баайталаан кэбистилэр. Ону
көрөн Имтеургин:
— Бөҕөргөөтө, аны баҕас тыал хастыы тардыбат ини, —
диэтэ.
Күүстээх тыал, туундара хаарын, былыт курдук өрө
ытыйан таһааран, дьон сирэйигэр сабыыр, харахтарыгар
таптайар. Киһи тыына хаайтарыах курдук. Дьон ураһала-
рыгар арычча киирдилэр, тирии эркиннэр эҥээрдэрин,
тыал күөттээбэтин диэн, таба этинэн хайыҥныы баттатан
кэбистилэр.
Тас таҥастарын уһулан баран, таба тириититтэн ти-
гиллибит утуйар быыстарыгар — йоронгаҕа киирдилэр.
Уот үрдүгэр хомуруттан хаалбыт, тумсун оннугар саба
ууруу ньаалбаан абырахтаах алтан чаанньык ыйанан ту-
рар. Бука бары ити чаанньыкка өрөһөлүү сим иллибит хаар
хаһан ууллан аһатарын кэтэһэллэр.
Йоронгалара намыһаҕа бэрт буолан, бэл диэтэр, оло-
рор киһи төбөтүнэн анньыллар. Сыгынньахтанан баран
бэйэ-бэйэлэригэр сыста олорон аһаатылар. Ортолоругар
мас кытыйаҕа бытархай гына кырбаммыт сиикэй быар,
бүөр булкааһыктаах таба хаана кутуллан турар. Уҥуох ха-
мыйахтар ол кытыйа диэки бокуойа суох элэҥнэһэллэр.
Ураһа эркиннэригэр уонна үрдүгэр тыал хаары сабыта
охсон табыгыраппахтыыр. Тоҥ тириилэри күөттээн тити-
рэстэтэр, күлүгүрэтэр.
— Хайа, ыппыт ханнаный? — диэн саҥа аллайа түстэ
кыыстара.
— Киллэр, — диэтэ, онуоха аҕата.
Кыысчаан бы ы с тэллэҕин өндөтөрүн аҕай кытта ыт,
