Page 65 - ЛИТЕРАТУРА ААҔЫЫТА 4 КЫЛААС 2 ЧААҺА
P. 65
муҥнаахтар, инчэҕэй түүлэригэр хаар хам силимнэһэн,
токуччу тоҥо сылдьаллар эбит. Арбаҕаһын сиэҕинэн хаар-
дарын сотон баран Кутувья:
— Атахтара, кутуруктара мас курдук буолбуттар, мун-
нулара туртаһан хаалбыттар. Тоҥон өлбүттэр, — диэтэ.
Ийэлэрэ быыс кэнниттэн эт таһааран, тэрэпиискэ кур-
дук чараас гына бысталаан баран, өлбүт ыт оҕолорун
төбөлөрүн суулаан кэбистэ.
— Аара эттэ сии-сии, кэлбит сиргитигэр төннүҥ, —
диэтэ Имтеургин, ыт оҕолорун өлүктэрин үрдүгэр төҥкө-
йөн олорон. — Улааттаххытына, эргиллэн кэлээриҥ, олох-
путугар күүс-көмө буолаарыҥ. Ооҕордук!
Онтон уолунаан өлбүт ыт оҕолорун ураһа эркинин ан-
нынан хаарга батары анньан баран, быыстарын кэтэҕэр
киирдилэр.
Ыйдар ааттарын быһаар. Маннык курдук ыйдар аат-
тарын кытта ханнык айымньыга билсибиккиний?
Тэҥнээ.
Суруйааччы Тэки Одулок туһунан «Элбэҕи ааҕыаҥ —
үгүһү билиэҥ» салааҕа ааҕыҥ.
Толкуйдаа. Тобул
Уордаах Ородьумаан уотун отуннаҕына,
халлаан аҥ аарын хайа салыыр үһү.
