Page 67 - ЛИТЕРАТУРА ААҔЫЫТА 4 КЫЛААС 2 ЧААҺА

Ийэбэр мин этэбин:
— Ийэ-э, моонньугар быата баай, сиэтэ сылдьыам
этэ.
— Чээн, кэбис, кырата бэрт, улааттаҕына уучах
оҥостоор, — инньэ диэн баран, ийэм дьиэҕэ киирдэ.
Д ьиэбит таһа чалбах, бадараан. Мин бу кырачаан тугу-
ту тутаары эккирэтэбин. Тугутчааным кытыгыраһа сүрдээх.
Хайдах да кыайан сиппэппин. Тыс этэрбэстиин чалбаҕы
тобукпар диэри кэһэ-кэһэбин эккирэтиһэбин. Быыкайкаан
бэйэтэ быһый да быһый, ыстанан хаалар. Өссө саҥалаах:
«Ав-ав-ав», — диир. Ол саҥатын мин олус таптыыбын,
эккирэтэ-эккирэтэ күлэбин: «һэ-һэ-һэ».
Ийэм тахсан хаһыытыыр:
— Эминньээх, киир-киир, хайаа, бу туох буоллуҥ?
Ийэбин көрөөт мичээрдиибин.
— Уу, бу дьаабал, орой мэник, этэрбэһин адьас сиэ-
бит дии, ибили кэһэн кээспит, — дии-дии ийэм, инчэҕэй
этэрбэспин уһулан, көхсүбүн сабырҕатар.
Мин ытаатым. Уонна ытыы туран эм иэ күлэн кэллим.
Хараҕым уутун сотто-сотто, ийэбэр этэбин:
— Ийэ-э, тугутчаан туттарбат. Сүүрэ сылдьар. Уонна
тугу эрэ саҥарар, ыллыыр дуу: «Ав-ав-ав», — диир.
Инньэ диэбиппэр ийэм, таптаан, төбөбүн имэрийдэ,
сыллаата уонна эттэ:
— Аны этэрбэстиин ууну кэспэт буол. Эн үчүгэй,
«чээ» оҕоҕун. Куһаҕан, акаары тугутчааны үтүктүмэ! Кини
куһаҕан, этэрбэстиин чалбаҕы кэһэр.
Ийэм миигин «үчүгэй» диэбитигэр мин олус үөрдүм.
М ичээрдии-мичээрдии, үөһэ тыынным. Ол да туран, ха-
раҕым тугуттан арахпат. Ө ссө да эккирэтиһэр санаалаах-