Page 134 - Саха тыла 9 кылаас

СОМОҔО ДОМОХ

Ааннарын саппат буолла. Субу-субу сылдьар буолла.
Абааһыта киирдэ. Кыыһырда, уордайда.
Аҕа баһын тосту олор. Аҕаҕынааҕар ордук аатыр, аҕаҕын баһый.
Аҕатын туйаҕын хатарбыт. Үчүгэй өттүнэн аҕатын курдук буолбут.
Аҕынньыта төллөр. Сиргэнэр, хотуолаары гынар.
Аҕыс айдаанынан. Элбэхтик айдаарсан, кэпсэтэн, эрэйдэнэн.
Айаҕар ас киирбэт. Ыалдьан санаарҕаан, аһаабат.
Айаҕа хам буолбат. Саҥата суох олорбот, өрүү тугу эмэ саҥарар,
кэпсиир.
Айаҕа хараарар (кытарар, оҥойор). Мэлдьэһэр, ончу билиммэт,
элбэхтик саҥарар, айдаарар, этиһэр.
Айахха киирбиччэ. Толкуйдаабакка саҥарар.
Ала кулуну төрөппүт. Дэлби тоҥмут.
Аллараа (алын) сыҥаах буол. Этиһэр киһиэхэ туораттан көмө
буол.
Атаҕа (уллуҥаҕа) сири билбэт буолбут. Олус үөрбүт.
Бас баттах. 1. Түбэһээрэй, толкуйдаабакка, солуута суох (саҥа-
рыы). 2. Мээнэ (барыы). 3. Киһи тылын истибэккэ, көҥүл барыы, мэник,
бардам быһыы.
Баһа — байҕал, кутуруга — куйаар. Элбэх саарбах дьыаланы, эр-
гитэр-урбатар сырыылаах киһини этэллэр.
Баһын батар. Киэр гын, тэйит, оннун буллар.
Билэр күөлүм балыга. Кинини баҕас үчүгэйдик билэбин диэн сэ-
ниир эҕэлээх этии.
Биһикпин ыйаабыт сирим. Үчүгэйдик билэр сирим (төрөөбүт-үөс-
кээбит дьиэм таһа).
Биир угунньаҕа укта. Барыларын кыайталаата, ыксаталаата; мөхтө,
сэмэлээтэ.
Быаргын тарбаа. Күл, күлүү гын.
Былыттаах халлааҥҥа быкпат. Олус атаахтык иитиллибит.
Быта да суох. Туга да суох.
Бытыгын тыытыма. Кыыһырдыма.
Бэйэ бодоҕун билин. Кыаххын билин.
Бэлэс анньан көрөр. Үтэн-анньан көрөр.
Даамын биэрдэ. Хотторон, кыайтаран, бас бэриннэ.
Диэбэт даҕаны. Өстүбэһи, арба даҕаны.
Диэмэ даҕаны. Саамай сөпкө этэҕин.
Диэххэ айылаах. Сөпкө этэҕин.
Долоҕойгор тохтот. Өйдөөн, болҕойон иһит.

134