Page 135 - Саха тыла 9 кылаас

Дугдуруй да сутурҕаа. Саҕалаатыҥ да онтугун оҥор.
Дууһатын туттарбыт. Сөбүлээбит, таптаабыт, кутун туттарбыт,
олус убаммыт.
Дэлэ муҥҥа. Туох да иһин, дуостал, отой, букатын, ончу.
Дьаабытыттан ааспыт. Куһаҕан, түктэри буолбут.
Дьиэ эргиннээҕи. Боростуой, мара, чугас эргин, ыал аайы баар.
Дьиэк ылан. Сылтах булан, хайаҕас булан, тирэх ылан.
Дьыбардаахха саҥарда. Сэрэммэккэ, куттаммакка, туттуммакка
саҥарда.
Дьылга ылларда. Сутаата, тиийбэт-түгэммэт буолла.
Дьэбин уоһуйбут. Олус кыыһырбыт.
Дьэ үчүгэй да сордоох доҕор. Абаран саҥа аллайыы.
Икки ардыларыгар уу тэстибэт (тохтубат). Улахан доҕордуулар.
Икки илиилээх (уус). Киһитинэн көрөн биитэр үчүгэй, биитэр ку-
һаҕан гына оҥорор.
Икки саар ыккардынан. Саарбах соҕустук, иһэ-таһа, иэмэ-дьаама
биллибэт курдук.
Иккитинэн истибэт. Истиэн төрүт баҕарбат.
Илиигэр ыл. Салай, баһылаа-көһүлээ.
Илии тутук. Туга да суох, кураанах төннүү.
Илиитэ барбат. Оҥоруоҕун куттанар, саллар.
Илиитэ сыстар. Сатыыр, үөрүйэхтэнэр.
Илин-кэлин түс. Ньыла көт, албыннас.
Инчэҕэй тирбэҕэ быстыбатынан. Тыыннаах эрэ, нэһиилэ.
Иҥэ-бата сатаан. Тугу да гыныан булбакка.
Ис миинэ киһи. Эйэҕэс, үчүгэй киһи.
Иһигэр киллэрбэт. Сөбүлээбэт.
Иһигэр кутуйах хаамар. Айманар, дьиксинэр, мунчаарар.
Иһэ тымныйар (буһар, үллэр). Абарар, кыһыйар, абааһы көрөр.
Иһэ хайда сыста. Олус кыыһырда, абарда.
Итинтэн бултаан. Итинник кыра, мөлтөх эрээри.
Иттэ барыта. Сэнээн этии.
Иэдэс биэрэр. Сөбүлээбэт, кэлэйэр, утары хайыспат.
Иэнин хастаа. Таһый, үөрэт, өйдөт, кэһэт.
Иэнэ кэдэҥниир. Олус куттанар.
Иэс боруос (бороос). 1. Иэс төлөннө. 2. Өс ситиһилиннэ.
Киһи гыммат. Тулуппат, киһилээбэт, аа-дьуо хотор.
Киһи сирэйин (хараҕын) таба көрбөт. Кыбыстар, саатар, дьулайар.
Киһи тыла хонор. Ким эрэ туһунан куһаҕан кэпсээн, хоп-сип тарҕа-
нар.
Киһи тылын уйбат. Истиэн баҕарбат, кыыһырар.

135