Page 136 - Саха тыла 9 кылаас

Киэҥ көҕүстээх. Холку, ыксаабат, уолуйбат.
Көмүс тарбах. Олус уус киһи.
Көрбүт хараҕын симмэтэ. Ончу утуйбата.
Кулгааҕын сымнат. Иһитиннэрэн астыннар, уоскут.
Кураанаҕы куустарда. Албыннаата.
Кураанаҕы эрдэр. Мээнэ саҥарар.
Курдаттыы тартарар. Олус баҕарар, ымсыырар, ахтар.
Кутуйах иинин кэҥэтэр. Куттанан, уолуйан хайыан да булбат.
Күн бүтэйинэ. Күн тахса илигинэ.
Күппүлүү барда. Букатын эһиннэ, быһынн, хоттордо.
Күөх оту тосту үктээбэт (киһи). Көрсүө, сытыары-сымнаҕас (киһи).
Күүгэн айах. Олус омуннаан кэпсиир киһи.
Кыл тыынынан. Ыксалынан, бэрт түргэнник (сылдьыы).
Мааһын тап. 1. Сатаа, дэмин бул. 2. Сөбүлэт.
Манан дьыала буолбатах. Чэпчэки, кыра дьыала буолбатах.
Маҥай аллаах. Олус сэнээн, атаҕастаан этии.
Муннугар сыттаах. Аска-үөлгэ түбэһимтиэ, баартаах киһи.
Муннугу кэйэр. Барыах-кэлиэх сирин булбат.
Муора тобугунан, халлаан хабарҕатынан. Харса суох тыллаах,
бардам, киһиргэс.
Мутугунан быраҕар муҥур үйэ. Киһи кылгас үйэтэ.
Муус сүрэх. Аһыныгаһа суох киһи.
Наар аанньа буолар. Куһаҕан үөһэ куһаҕан буолар.
Нам-нум буол. Уоскуй, намыраа.
Нус бааччы. Сынньалаҥнык, кыһалҕата суох.
Оҕо оонньуута буолбатах. Кыра дьыала буолбатах, дьоһуннаах
дьыала.
Омурдун (эрэ) абырахтыыр. Сымыйалыыр, дарбатар, үлүннэрэр,
омуннуур.
Оройунан көрбүт. Мэник, мэниктээбит, мэнигэ киирбит оҕону
этэллэр.
Орох тэппит. Элбэхтик сылдьыбыт.
Өйгүн-төйгүн бул. 1. Уоскуй, айманыма, ыксаама; тугу гынаргын
бастаан толкуйдаан көр. 2. Мэник, акаары, чэпчэки быһыыгын уурат,
түспэтий.
Өй мэйдээх тулуйбат. Киһи тулуйбат.
Өй хаата. Улахан өйдөөх.
Өрөөбүт уоскун өһүл. Кэпсээ, сэһэргээ.
Өһө тэстэр. Кэпсээнэ киирэр.
Саарытын астарбыт. Кэһэйбит, тоһун ылбыт.
Саа тэбэр сиригэр киллэрбэтэ. Олох чугаһаппата.

136