Page 28 - ЛИТЕРАТУРА АА5ЫЫТА 3 КЫЛААС 1 ЧААhA
P. 28
Кинини уот кыайан сиэбэт,
Уу да сатаан тимирпэт,
Киртэн-бөхтөн киртийбэт,
Кэмтэн-дьылтан эргэрбэт.
Ол кылаат — аптаах кылаат,
Уоруйах да булан уорбат,
Ороспуонньук талаабат,
Албастаах да албыннаабат.
Ол кылааккын дьоҥҥо ыһыаҥ —
Уон оччонон элбээн кэлиэ,
Үрүт-үөһэ мунньа сытыаҥ —
Өрүүтүн чэпчээн иһиэ!
Ол кылаатыҥ тыыннааххар
Ханна барыаҥ — батыһыа,
Хаһан туохха наадыйаргар
Толук буолуо, абырыа.
Оннук кылаат хаһаайына
Күүстээхтэн бастыҥ күүстээх.
Быһыйтан чулуу быһый,
Көтүө — наада буоллаҕына.
Оннук кылаат күн сиригэр
Суос-соҕотох! Кини аата —
БИЛИИ! Көр, кинигэҥ ыскаабыгар
Сытар сир бастыҥ кылаата!
Хоһоон аатын ис хоһоонун кытта тэҥнээн көр.
28
