Page 15 - ЛИТЕРАТУРА ААҔЫЫТА 3 КЫЛААС 1 ЧААҺА
P. 15
баҕайы сытынан туолбут этэ. Уолчаан туох сыта кэлэрин
билээри сытыргыы турдаҕына, ийэтэ киирэн кэллэ:
— Хайа, чыычаах, турдуҥ дуо? Эн таптыыр туоркун
астаатым.
— Ура-а! — Миша үөрдэ-көттө.
Кухняҕа ойон тиийбитэ, наһаа кыраһыабай туорт ту-
рар аҕай эбит ээ! Онно Миша өйдүү түстэ — бүгүн кини
минньигэһи сиэбэт күнэ эбит дии... Оо, дьэ, тоҕо даҕаны
Лёвкаҕа этэн кэбиспитэ буолла, куруук тылбар туруом
диэн. Ийэтэ Миша бүгүн минньигэһи сиэ суохтааҕын би-
лэн баран, ол күнү эбиэттэн саҕалыырга этии киллэрдэ.
Уола улаатан эрэриттэн аҕата астынна уонна мааматыгар
минньигэс туорду астаабытын иһин махтанна, өссө эбии
көрдөөтө. Миша арыылаах килиэби кытта чэй истэ.
Таһырдьа тахсыбыта, доҕоро Лёвка курус* көрүҥнээх
көрүстэ. Космонавт дуу, разведчик дуу буолар олус
ыараханын эттэ. Тоҕо диэтэргит, кинилэр куруук эппит
тылларыгар туруохтарын наада эбээт.
Нөҥүө күнүгэр доҕордуулар олбуор иһиттэн ханна да
тахсыбакка сүбэлэстилэр. Онтон аны Лёвка аҕата балык-
тыы бараары тэриннэ. Өссө, кыһытыан иһин, уолаттары
эмиэ ыҥырда. Ымсыырбыттарын иһин хайыахтарай — ак-
каастанарга тиийдилэр. Эппит тылларын толороору ытыы
сыһа-сыһа хааллылар. Күнүс аны ыаллара дьээдьэ Коля
сөтүөлүү барда. Оҕолор бары көҥүллэтэн, кинини кыт-
та барыстылар, Мишалаах Лёвканы эмиэ көҥүллээтилэр
да...
Эппит тылларын толоруохтаахтар ээ! Доҕордуулар ку-
раанахсыйбыт олбуор иһигэр тугу да гыныахтарын бул-
бакка, аа-дьуо хаамса сырыттылар. Ол сылдьан кып-
кырдьаҕас эмээхсин ыарахан баҕайы суумкатын нэһиилэ
15
